IGIHE.com > Amakuru > U Rwanda
Gisozi: Agahinda katumye Beenie man adashyira indabo ku mva

Gisozi: Agahinda katumye Beenie man adashyira indabo ku mva


Yanditswe kuya 4-03-2013 - Saa 16:30' na Vénuste Kamanzi

Umuhanzi mpuzamahanga w’umunya “Jamaica” yasuye urwibutso rwa Jenoside rwa Kigali ariko urugendo rwe ntiyarurangije kuko akimara kwerekwa imva zishyinguwemo Abatutsi bishwe muri Jenoside, agahinda ntikatumye akomeza kuzenguruka mu rwibutso.

Kuri uyu wa mbere tariki 4 Werurwe 2013 ubwo Beenie man yasuraga urwibutso rw’abazize Jenoside yakorewe Abatutsi mu 1994, akimara kugera aho imodoka zihagarara yasohotse mu modoka ye aseka ubona nta kibazo afite, bamuha indabo yagombaga gushyira ku rwibutso ariko ntibyamukundiye.

Akigera kumva bagatangira kumubwira ko zishyinguyemo imibiri y’Abatutsi basaga ibihumbi 250, yegereye kumva arareba ariko agahinda kahise kamuganza asubira inyuma bigaragara ko atashakaga no gukomeza kumva ibyo bamusobanurira ariko bakomeza kumwihanganisha.

Ubwo bagenzi be bazanye ndetse na Kidumu binjiraga mu rwibutso imbere kugira ngo basobanurirwe uburyo Jenoside yakorewe Abatutsi yateguwe, uko yashyizwe mu bikorwa n’ibindi, Beenie man we byamunaniye asigara yiyicariye mu twatsi.

Nyuma yaje gushaka gusohoka ngo asige abandi ariko baza kumubwira ko atari byiza, ajya kuba yiyicariye ku muhanda ari na ho yabarindiriye yirebera imisozi ya Kigali, asuhuza abantu bahitaga by’umwihariko abana b’abanyeshuri.

Mu gusuhuza abana bavaga ku isuri ni bwo yongeye guseka ariko ubona asa n’ugifite agahinda, ni ho umunyamakuru wa IGIHE yamwegereye amubaza uko yabibonye, abanza guceceka nk’umunota atarasubiza; mu kuvuga ati “Ntacyo kuvuga” ariko akimyoza.

Bamwe mu bari bamuri hafi, babwiye IGIHE ko yakomezaga kuvuga ijambo ry’icyongereza rigira riti “Why?”, mu Kinyarwanda bishatse kuvuga ngo “Kuki?”

Bennie man akigera mu Rwanda ku wa gatanu w’icyumweru gishize yari yavuze ko ibyabaye mu Rwanda bibabaje.

Beenie man mu maso he hagaragazaga ko ababaye cyane
Kidumu n'Ikipe ya Beenie man bashyira indabo ku mva
Abasuye urwibutso basobanurirwa uko Jenoside yateguwe n'uko yashyizwe mu bikorwa
Beenie aganira n'abana b'abanyeshuri
Beene man kwakira ibyabereye mu Rwanda byamugoye cyane
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO