IGIHE.com > Amakuru > U Rwanda
Miss KIST 2009, Nshuti Clarisse yaba yenda kwibaruka

Miss KIST 2009, Nshuti Clarisse yaba yenda kwibaruka


Yanditswe kuya 16-08-2012 - Saa 08:26' na Richard Irakoze

Umunyarwandakazi Clarisse Nshuti, wabaye Nyampinga w’Ishuri Rikuru ry’Ubumenyi n’ Ikoranabuhanga rya Kigali (KIST) mu mwaka wa 2009, ubu uba mu Bubiligi yagaragaje ifoto atwite. Iyi foto ije nyuma y’aho ashyingiwe n’umuzungu wahawe izina ry’akabyiniriro ry’Ikinyarwanda rya ‘Ngirinshuti Petero’.

Mu kiganiro n’umwe mu bateguye amarushanwa ya Miss by’umwihariko mu ishuri rya KIST, yavuze ko bakunda kuvugana binyuze ku murongo wa Internet. Avuga ko Miss Nshuti aheruka gushyingirwa mu buryo bwemewe n’amategeko muri Gashyantare uyu mwaka.

Ku rubuga rwa Facebook rwa Nshuti, agaragaza ko aba ahitwa Tirlemont, Brabant, Belgium. Mu mafoto menshi ari kuri Facebook, hagaragara aye ari kumwe n’uyu mugabo we yiganjemo ayo ubona ko bakunze kujya bagirana ibihe byiza bishushanya urukundo.

Muri Kanama 2009 nibwo Nshuti Clarisse yatorewe kwambara ikamba rya Miss KIST 2009, ahize abandi bakobwa batanu bahatanaga. Icyo gihe yigaga mu mwaka wa mbere mu ishami rya Engineering, agashami ka “Computer engineering information and technology” bisobanuye ko ubu yagombye kuba acyiga kugira ngo arangize.

Ubwo yambikwaga ikampa rua Miss KIST
Ibikombe bitanu yakuye muri Nigeria kubera ubwiza bwe

Gusa musaza we uri mu Rwanda yabwiye umunyamakuru wa IGIHE ko azakomereza amashuri ye mu Bubiligi aho aba, ariko nta yandi makuru menshi yatangaje.

Nshuti yaje gusimburwa kuwa 19 Kanama 2011, asimburwa na Giraso Joe Christa, waje no gutorerwa kujya mu bakobwa 15 bazahatanira umwanya wa Miss Rwanda 2012.

Nshuti yigeze kwerekeza i Lagos muri Nigeria (tariki ya 18 Gashyantare 2011) nuko ahagararira ba Nyampinga bose bo mu mashuri makuru yo mu Rwanda mu Marushanwa Nyafurika, aho yanakuye ibikombe bigera kuri bitanu.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO