IGIHE.com > Amakuru > U Rwanda
Batatu bafungiye i Gikondo kubera forode

Batatu bafungiye i Gikondo kubera forode


Yanditswe kuya 13-07-2012 - Saa 09:17' na Turikumwe Noël

Musindashyaka Céléstin ukomoka i Muhanga, Jean Marie Burere uvuka i Goma muri Repubulika Iharanira Demukarasi ya Congo na Onesphore Hategekimana wo mu karere ka Musanze bafashwe bazira gutwara forode y’inzoga mu gihugu.

Mutsindashyaka yafatiwe i Gicumbi ku wa Gatatu, afatanwa amakarito 71 y’inzoga yo mu bwoko bwa kanyanga izwi nka “African Gin” ituruka mu Bugande.

Burere Jean Marie na Onesphore Hategekimana bo bafatiwe ku Giticyinyoni mu Karere ka Nyarugenge kuri uyu wa Mbere batwaye amacupa y’inzoga 45 zo mu bwoko bwa Martel, black label, na J&B whiskies bari bavanye muri Repubulika Iharanira Demukarasi ya Congo.

Superintendent Karasi Emmanuel ukuriye ibiro bya Polisi bishinjwe kugenzura ibyinjira mu gihugu, yatangaje ko ibicuruzwa byinshi bitemewe n’amategeko bifatwa kenshi biturutse mu Bugande no muri Congo.

Karasi yongeyeho ko urwego akuriye rukunze gufata ibintu byinshi bidafite ibyangombwa byinjizwa mu gihugu. Yatanze urugero rw’imodoka zifite amakarita azinjiza yataye agaciro, amasabune, imyambaro, ibinyobwa bitera imbaraga ndetse n’ibyuma bisana ibinyabiziga.

Ikigo cy’Igihugu gishinzwe imisoro n’amahoro gikomeza gitangaza ko ibicuruzwa byose bifashwe bitishyuye imisoro, bigomba kugurishwa kugira ngo iyi misoro yishyurwe.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO