00:00:00 IGIHE NETWORK KN KINYARWANDA EN ENGLISH FR FRANCAIS

Yanyoye Alcool yifashishwa mu kogosha: RCS yatanze amakuru y’ibanze ku rupfu rwa Jay Polly

Yanditswe na IGIHE
Kuya 2 Nzeri 2021 saa 12:59
Yasuwe :
0 0

Urwego rw’Igihugu rushinzwe Imfungwa n’Abagororwa, RCS, rwatangaje ko amakuru y’ibanze ku rupfu rwa Jay Polly ari uko ku wa 1 Nzeli 2021, we n’abandi bagororwa babiri banyoye uruvange rugizwe na Alcool, amazi n’isukari. Iyo Alcool abagororwa bari basanzwe bayifashisha mu kwiyogoshesha.

Mu rukerera rwo ku wa Kane tariki 2 Nzeli 2021 nibwo Jay Polly yitabye Imana.

Itangazo rya RCS rivuga ko uyu muhanzi wari ufungiye muri Gereza ya Mageragere, yaraye ajyanywe mu ivuriro ry’iyo gereza ahagana saa kumi n’ebyiri z’umugoroba yitabwaho n’abaganga.

Rikomeza riti “Bimaze kugaragara ko akomeje kuremba, yaje kujyanwa mu bitaro bya Muhima aho yakomeje kwitabwaho ariko birangira aje kwitaba Imana.”

Uru rwego rwavuze ko amakuru y’ibanze rumaze kubona ari uko uyu muhanzi wari ufite imyaka 33 y’amavuko, we na bagenzi be babiri “Harerimana Gilbert na Iyamuremye Jean Clement, basangiye uruvange rwa Alcool yifashishwa n’imfungwa biyogoshesha, amazi n’isukari byavanzwe nabo ubwabo.”

Urwego rw’Igihugu rushinzwe Ubugenzacyaha, RIB, na Laboratwari y’Ibimenyetso bya gihanga, batangiye iperereza ryimbitse kugira ngo hamenyekane icyateye uru rupfu.

Ku rundi ruhande, ahagana saa yine z’igitondo kuri uyu wa Kane, nibwo imodoka ya Polisi y’u Rwanda yakuye umurambo w’uyu musore mu bitaro bya Muhima iwujyana mu bya Kacyiru kugira ngo usuzumwe.

Bamwe mu bagize umuryango wa Jay Polly bari bahari, uwari usanzwe ari umwunganizi we mu mategeko, n’abari inshuti ze bari bahari.

Jay Polly yitabye Imana yitegura kuburana mu Ukuboza
Yaherukaga kumvikana mu ndirimbo y'Imana ya Comfort Ministries
Ku wa 25 Mata 2021 ni bwo Jay Polly n'abandi 12 beretswe itangazamakuru nyuma yo gutabwa muri yombi barenze ku mabwiriza yo kwirinda ikwirakwira rya Coronavirus ndetse bari no kunywa ibiyobyabwenge birimo urumogi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .