World Link Up Ltd yatanze amahirwe ku bifuza kujya kwiga muri Turikiya

Yanditswe na Mukahirwa Diane
Kuya 25 Mutarama 2021 saa 01:49
Yasuwe :
0 0

Ikigo cya World Link Ltd kizobereye mu gufasha abanyeshuri bashaka kujya kwiga mu muhanga, cyatangaje ko gifite buruse kiri gutanga zo kujya kwiga mu gihugu cya Turikiya, kandi akaba ari buruse izishyurira abanyeshuri ijana ku ijana (full scholarship).

Izi buruse zigenewe abanyeshuri bifuza kwiga mu cyiciro cya mbere n’icya kabiri cya kaminuza ndetse n’abashaka gukorera impamyabumenyi z’ikirenga (PhD).

Ushaka iyi buruse arasabwa kuba yararangije amashuri abanziriza icyiciro yifuza gutangira kandi afite impamyabumenyi yemewe n’Ikigo cy’Igihugu Gishinzwe Uburezi mu Rwanda, REB. Agomba kandi kuba afite indangamanota, urupapuro rw’inzira(Passport) ndetse n’ibaruwa y’imyitwarire ye itangwa n’aho yarangirije.

Abifuza kwiga mu cyiciro cya mbere cya kaminuza basabwa kuba baratsinze amasomo yabo ku manota 80% mu bifuza kwiga mu mashami atandukanye, naho ku bifuza kwiga ubuvuzi bo barasabwa kuba baragize amanota 90%.

Ku bifuza kwiga mu cyiciro cya kabiri cya kaminuza barasabwa kuba baragize amanota 85% mu mashami yose barangije kugira ngo bemererwe gukomereza mu kindi cyiciro, naho ku bifuza kwiga mu buvuzi, barasabwa kuba baragize amanota 90% mu byiciro barangije, ndetse ni na ko bimeze ku bifuza gukorera impamyabumenyi y’Ikirenga (Phd).

Umuyobozi wa World Link Up Ltd., Rugwizangoga Cedric, yavuze ko aya ari amahirwe adakwiye gucika Abanyarwanda na cyane ko abazahabwa iyi buruse bazigira ubuntu kandi mu gihugu gitanga uburezi buri ku rwego rwo hejuru.

Yagize ati “Turikiya ifite uburezi buhambaye kandi ni igihugu cyateye imbere. Kuba umuntu yabona amahirwe yo kuhiga kandi ku buntu ni ibintu by’ingenzi cyane, kandi ibi bishyigikira n’ubuhahirane bw’ibihugu byombi.”

Usibye iyi buruse kandi iki kigo gifasha abantu kubona amashuri mu bihugu bitandukanye birimo Australia, Canada, u Bwongereza, Leta Zunze Ubumwe za Amerika, u Bushinwa, Pologne, u Bufaransa, Chypre na Turikiya.

Uwifuza iyi buruse ashobora kubasanga aho bakorera mu Mujyi wa Kigali ahahoze hitwa kuri Athénée hafi y’umusigiti, kandi ubyifuza yahagera vuba kuko kwiyandikisha bizarangira kuwa 20 Gashyantare uyu mwaka mu gihe amasomo azatangira muri Nzeri 2021.

Turukiya ni kimwe mu bihugu bifite uburezi buhambaye ku Isi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .