Wizkid yabaye umuhanzi w’umwaka muri Afurika, Meddy abura igihembo muri MTV AMAs

Yanditswe na Philbert Girinema
Kuya 23 Ukwakira 2016 saa 11:59
Yasuwe : XX
91 55

Umunya-Nigeria, Ayodeji Ibrahim Balogun uzwi nka Wizkid, yegukanye igihembo cy’umuhanzi w’umwaka muri Afurika, anahabwa igihembo cy’umuhanzi warushije abandi mu bagabo, mu bihembo mpuzamahanga bya MTV Africa Music Awads bigenerwa abahanzi bahize abandi kuri uyu mugabane.

Umuririmbyi w’Umunyarwanda Ngabo Médard Jobert [Meddy] yari mu bahatanira ibihembo mu cyiciro cy’umuhanzi w’abafana, ‘Listener’s Choice Awards’, cyegukanwe na Jah Prayzah ukomoka muri Zimbabwe.

Ibi bihembo bya 2016 MTV Africa Music Awards byatanzwe ku mugoroba wo kuri uyu wa 22 Ukwakira mu Mujyi wa Johannesburg muri Afurika y’Epfo, mu nyubako mberabyombi ya Ticketpro Dome, wari umunsi udasanzwe ku Banya-Nigeria, by’umwihariko Wizkid.

Wizkid yabaye umuhanzi wahize abandi muri Afurika

Uyu musore uzwi nka ‘Starboy’ yatahanye ibihembo bitatu birimo icy’umuhanzi w’umwaka , Umuhanzi wahize abandi mu bagabo n’igihembo cy’indirimbo ihuriweho n’abahanzi batandukanye.

Mu bindi bihembo byatashye i Lagos harimo icy’umuhanzi w’umugore cyahawe Yemi Alade n’icy’umuhanzi ukizamuka cyahawe Tekno.

Afurika y’u Burasirazuba yatashyemo igihmbo kimwe gusa cy’Itsinda rya mbere muri Afurika cyahawe Sauti Sol yo muri Kenya, riri kwitegura gukora ibitaramo bikomeye bizazenguruka Leta Zunze Ubumwe za Amerika, mu gihe iki gice cya Afurika cyari gihagarariwe n’abahanzi barimo Diamond, Raymond wa WCB, Vanessa Mdee, Yamoto Band, Ali Kiba, Sauti Sol, Eddy Kenzo, Bebe Cool na Meddy.

Uko ibihembo byatanzwe

Artist of the Year: Wizkid (Nigeria)

Best Male: Wizkid (Nigeria)

Best Female: Yemi Alade (Nigeria)

Best Group: Sauti Sol (Kenya)

Best Breakthrough Act: Tekno (Nigeria)

Best Live Act: Cassper Nyovest (Afurika y’Epfo)

Best Francophone: Serge Beynaud (Cote d’Ivoire)

Best Lusophone: C4 Pedro (Angola)

Best Pop / Alternative: Shekinah & Kyle Deutsch (Afurika y’Epfo)

Best Hip Hop in association with MTN: Emtee (Afurika y’Epfo)

Song Of The Year in partnership with Google:“My Woman, My Everything” Patoranking feat. Wande Coal (Nigeria)

Listener’s Choice Award: Jah Prayzah (Zimbabwe)

Video of the Year: “Niquer Ma Vie” – Youssoupha (Congo)

Personality of the Year in association with DStv: Caster Semenya (Afurika y’Epfo)

Legend Award: Hugh Masekela

Best Collaboration in partnership with ABSOLUT: DJ Maphorisa feat. Wizkid & DJ Buckz – “Soweto Baby” (Afurika y’Epfo /Nigeria)

Africa Re-Imagined Award: Vivian Onano & Mary Taedzerwa

Best International Act: Drake (USA)

Meddy yari ahatanye mu bahanzi w'abafana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE