WDA igiye guhindura ikizamini cya Electrical Drawing bikekwa ko cyakopewe

Yanditswe na Kanamugire Emmanuel
Kuya 10 Ugushyingo 2016 saa 08:46
Yasuwe : XX
0

Ikigo cy’Igihugu gishinzwe guteza imbere imyuga n’Ubumenyingiro, WDA, cyafashe umwanzuro wo guhindura ikizamini cya ‘Electrical Drawing’ cyagombaga gukorwa kuri uyu wa Gatanu, nyuma y’aho kigiye ahagaragara, mbere y’uko gikorwa.

Kuri uyu wa Kane, mu Karere ka Gakenke ku kigo cya Lycee Saint Alain Mataba habayeho kwibeshya, ubwo hatangwaga impapuro z’ibizamini byari bukorwe uyu munsi hagatangwamo n’ibyari kuzakorwa ejo.

Amakuru agera ku IGIHE avuga ko Ikizamini cyakorwaga none ari icy’isomo rya “Electro Techniques” kikaba ari cyo cyitiranijwe na “Eletrical Drawing.’

Nyuma y’aho bimenyekaniye ko hakozwe iri kosa habayeho gushaka iki kizamini mu byatanzwe ariko habura kopi yacyo imwe.

Umuvugizi wa Polisi mu Ntara y’Amajyaruguru, (IP) Innocent Gasasira, yatangaje ko bitazwi niba ari abarimu cyangwa banyeshuri bagihishe, kandi ko nta n’umwe watawe muri yombi.

Ati “Nta muntu ufunze, byagaragaye ko nta bushake bari babifitemo, kwabaye kwibeshya. Kuko ari ikizamini kimwe cyabuze, bikekwa ko abanyeshuri ari bo bagihishe, WDA yafashe umwanzuro wo kuzana ikizamini gishya.”

Twagerageje kuvugana n’Umunyamabanga wa Leta Ushinzwe Amashuri y’Imyuga n’Ubumenyingiro, Rwamukwaya Olivier, kimwe n’Umuyobozi Mukuru wa WDA, Gasana Jerome ariko ntihagira n’umwe witaba telefone.

Kugeza ubu ntibiramenyekana niba ikizamini kizakorwa kuri uyu wa Gatanu nk’uko byari biteganyijwe cyangwa hazabaho gutegereza igihe runaka.

Ibizamini bisoza icyiciro cya mbere n’icya kabiri by’amashuri abanza byatangiye kuri uyu wa 9 Ugushyingo 2016.

Hejuru ku ifoto:Abanyeshuri bari mu kizamini cya leta


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza