Kwamamaza

Uwamahoro yarashimuswe nyuma ajugunywa muri Nyungwe atwite inda y’imvutsi

Yanditswe kuya 13-09-2016 saa 13:37' na Philbert Hagengimana


Uwamahoro Liliane w’imyaka 23 avuga ko yashimuswe n’umushoferi utwara ikamyo, nyuma akaza kumujugunya mu ishyamba rya Nyungwe atwite inda y’imvutsi, arimaramo iminsi ine agenda n’amaguru mbere y’uko arisohokamo maze umugiraneza akamugeza ku Kigo Nderabuzima cya Kitabi.

Uwamahoro Liliane avuga ko avuka mu Karere ka Ngoma, Umurenge wa Sake, Akagali ka Gitega mu mudugudu wa Mbazi, ababyeyi be ari Sebahire Leonard na Mukamana Jeanette, abavandimwe be avuga ko ari Michel, Venuste na Josiane.

Mukankusi Flora, Umuforomokazi mu Kigo Nderabuzima cya Kitabi, akaba ari na we wakiriye bwa mbere Uwamahoro, yatangarije IGIHE ko uwo mugore yabagezeho ku wa Gatandatu tariki ya 10 Nzeri, ababwira ko afite ikibazo cy’uko inda atwite itonka, akaba yarakekaga ko umwana yaba yaramupfiriye mu nda.

Mu kumubaza igituma akeka ko umwana yamupfiriye mu nda, ni bwo yaboneyeho kubatekerereza inzira y’umusaraba yanyuzemo.

Mukankusi yagize ati “[Uwamahoro] yigaga muri Kaminuza i Rukara, akaba yaratangiye umwaka wa mbere mu 2015, aza gutaha iwabo afite ikibazo cy’uburwayi bwo mu mutwe;ngo ntazi uburyo yongeye kuva iwabo aratorongera agera i Bugesera aho yaje gutwarwa n’umushoferi atabashije kumenya, gusa icyo azi ni uko yumvaga bamwita Alpha.”

Akomeza avuga ko uwo mushoferi yamujyane i Kigali akamushyira mu nzu, aho atigeze yongera gusohoka, ubundi akajya amusambanya, amusimburanwaho n’umukozi we wo mu rugo.

Uwamahoro avuga ko “Iyo uwo mushoferi yazaga yamujyanaga mu cyumba bakararanamo, yakongera kugenda akamusiga mu ruganiriro akaba ari ho arara kugeza igihe azagarukira.”

Kuwa Kabiri tariki ya 6 Nzeri ngo ni bwo bavuye i Kigali uwo mushoferi amubwiye ko agiye kumusukisha, dore ko ubundi mbere bamwogosheshaga umukasi, bageze mu ishyamba rya Nyungwe amukura mu modoka, amujugunyira agasakoshi kari karimo ijipo n’umupira, ahita akubitaho urugi imodoka ayihata umuriro arigendera.

Kuva mu Ukuboza 2015 ubwo Uwamahoro yavaga iwabo, nta na kimwe azi mu byamubayeho, gusa ngo yagaruye ubwenge buzima muri Nyakanga 2016, ari na yo mpamvu atazi igihe yagereye mu nzu y’uwo mushoferi n’agace iherereyemo mu Mujyi wa Kigali.

Ubu ari gukurikiranirwa mu Kigo Nderabuzima cya Kitabi, mu Karere ka Nyamagabe, aho bavuga ko isaha n’isaha ashobora kubyarira, bikaba byaba ikibazo mu gihe yaba atarabona umuryango we cyangwa ubundi bufasha.

Umuvugizi wa Polisi y’u Rwanda mu Ntara y’Amajyepfo yatangarije IGIHE ko ikibazo cya Uwamahoro bakigejejweho, ndetse ubwo twateguraga iyi nkuru bari bagiye kumureba ngo abahe amakuru y’ibanze baheraho mu gukora iperereza.

Uwamahoro washimuswe akajugunywa muri Nyungwe atwite

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved