Urukiko Rukuru rwagize umwere Sano wahoze ayobora Wasac

Yanditswe na Mathias Hitimana
Kuya 14 Kamena 2018 saa 07:00
Yasuwe :
0 0

Mu bujurire, Urukiko Rwisumbuye rwa Nyarugenge rwagize umwere Sano James wahoze ayobora Ikigo cy’Igihugu Gishinzwe Amazi, Isuku n’Isukura (WASAC), rumuhanaguraho ibyaha birimo gukoresha nabi umutungo wa leta no gutanga amasoko binyuranyije n’amategeko.

Umunyamategeko wunganiraga Sano, Me Niyomugabo Christophe, yatangarije IGIHE ko urukiko rwagize umwere umukiriya we ku wa Kane, tariki ya 14 Kamena 2018, rusanze nta bimenyetso bimuhamya ibyaha yashinjwaga.

Yagize ati “Urukiko rwavuze ko imikirize y’urubanza mu rwego rwa mbere nta gihindutse; niba imikirize y’urubanza nta gihindutse; bivuga ko nyine agizwe umwere kubera ko ibimenyetso Ubushinjacyaha bwari bwatanze ku rwego rwa mbere n’ibyo bwatanze ku rwego rwa kabiri urukiko rwasanze bidahamya icyaha Sano…. Kandi twabyishimiye, Sano yabonye ubutabera. ”

Ku wa 2 Nzeri 2017, nibwo James Sano yakuwe ku buyobozi bwa WASAC yari amazeho imyaka isaga itatu asimburwa na Aimé Muzola. Nyuma yaje gutabwa muri yombi akurikiranyweho ibyaha bifitanye isano no gutanga amasoko ya leta mu buryo bunyuranyije n’amategeko.

Yaje kuburanira mu Rukiko rw’Ibanze rwa Nyarugenge, rumugira umwere ku wa 29 Ukuboza 2017, Ubushinjacyaha burajurira.

Sano James yatangiye kuyobora WASAC muri Nyakanga 2014 ubwo Ikigo cyari gishinzwe ingufu, Isuku n’Isukura (EWSA) cyaseswaga kigacibwamo ibigo bibiri byigenga ari byo Rwanda Energy Group (REG) na Water and Sanitation Corporation (WASAC).

Sano James wahoze ayobora Ikigo cy’Igihugu Gishinzwe Amazi, Isuku n’Isukura (WASAC)

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza