Kwamamaza

Uruganda rwa Philips rwagaragaje ubushake bwo gushora imari mu gucanira Abanyarwanda

Yanditswe kuya 13-11-2016 saa 09:55' na Mukaneza M.Ange


Uruganda rwa Philips rukora ibikoresho bitandukanye by’ikoranabuhanga rwagaragaje ko rwifuza gushora imari mu bikorwa bijyanye no gucanira abaturage n’ubuvuzi mu Rwanda.

Ibi byagaragajwe n’Umuyobozi ushinzwe kumenyekanisha ibikorwa bya Philips,Bill Biene, ubwo yari yitabiriye ikiganiro ku bijyanye n’ingufu mu nama yiga ku mihindagurikire y’ibihe(COP22) iri kubera mu Mujyi wa Marrakech muri Maroc.

Biene yavuze ko basanzwe bafite ibikorwa bitandukanye hirya no hino ku isi kandi ko azashimishwa no kumenya ibikenewe mu Rwanda.

Ati “Nakiriye neza amahirwe yo kugira uruhare mu kiganiro ku bishobora gukorwa mu Rwanda. Natangajwe cyane n’ubuyobozi ndetse n’abakozi b’abahanga u Rwanda rufite. Dufite ibikorwa hirya no hino ku isi ndetse nzashimishwa no kumenya amahitamo akwiye y’u Rwanda.”

Yakomeje avuga ko kuva Philips yashingwa yihaye intego yo gukorera muri Afurika kandi ko ibiganiro ku gushora imari mu Rwanda bibereye igihe nyacyo ugereranyije n’uburyo ubukungu bukomeje kuzamuka.

Kuri ubu Philips yavuye ku kuba ikigo kimwe ahubwo ikaba irimo ibice bibiri birimo kimwe gikora ibijyanye n’ikoranabuhanga ryifashishwa mu buzima mu gihe ikindi gikora ibijyanye n’ingufu no gucanira abantu (Lighting).

The New Times ivuga ko muri iki kiganiro cyamaze isaha imwe, hasuzumwe uburyo ibihugu, imijyi ndetse n’ibigo by’ubucuruzi bikoresha ikoranabuhanga mu gucana hatangijwe ibidukikije ndetse n’ikiguzi cy’ingufu kikagabanuka.

Umuyobozi w’ishami ry’imihindagurikire y’ibihe mu Kigo cy’igihugu gishinzwe kurengera ibidukikije (REMA), Faustin Munyazikwiye, yashishikarije ibihugu gushyiraho amahame n’amabwiriza yorohereza abashoramari.

Ati “Ntibikwiye kugarukira aha gusa. No muri ayo mabwiriza, Leta zikwiye gushyiraho ingamba ndetse zigashyira imbere uburyo bugaragaza uko ziri guhangana n’ikibazo cy’ingufu zisazura.”

Umuyobozi mu Ishami rya Loni rishinzwe ibijyanye n’imihindagurikire y’ibihe (UNFCCC), Nick Nuttall, we yagaragaje ko u Rwanda rumaze gukora akazi gakomeye mu bijyanye no gukoresha ikoranabuhanga mu gucanira abaturage ndetse ko hari na benshi bamaze kubihemberwa.

COP22 yatangiye tariki 7 Ugushyingo, ihuje abafite aho bahuriye n’ibidukikije, bigira hamwe icyakorwa n’inzego zitandukanye mu rwego rwo gushyiraho ingamba zo kurwanya imihindagurikire y’ibihe.

Iyi nama izasozwa kuwa 18 Ugushyingo 2016, ihurije hamwe abayobozi baturutse mu bihugu binyuranye, aho bari kwigira hamwe icyakomeza gukorwa kugira ngo amasezerano ya Paris n’aya Montreal aherutse kuvugururirwa i Kigali ashyirwe mu bikorwa.

Umuyobozi ushinzwe kumenyekanisha ibikorwa bya Philips,Bill Biene, aganira n'Umuyobozi w’ishami ry’imihindagurikire y’ibihe mu Kigo cy’igihugu gishinzwe kurengera ibidukikije (REMA), Faustin Munyazikwiye

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved