Kwamamaza

Urubanza rw’ubujurire rwa Pascal Simbikangwa ruzatangira kuri uyu wa Gatanu

Yanditswe kuya 24-10-2016 saa 14:25' na IGIHE


Urubanza rwa Pascal Simbikangwa ukurikiranyweho ibyaha bya Jenoside yakorewe Abatutsi ruzatangira kuri uyu wa Gatanu i Bobigny mu Bufaransa.

Mu 2014 nibwo Simbikangwa wahoze ahagarariye urwego rw’ubutasi mu Rwanda yakatiwe gufungwa imyaka 25 n’urukiko rwo mu Bufaransa ariko aza kujuririra iki gihano.

Ubujurire bwe buzatangira kumvwa hagati ya 25 Ukwakira na tariki ya 9 Ukuboza 2016 mu rukiko rwa Bobigny mu mujyi wa Paris.

Inkuru ya 20 minutes ivuga ko uru rubanza ruteganyijwemo abatangabuhamya bagera kuri 5o bazumva hakoreshejwe ikoranabuhanga rya Video-conference, kugeza ku itariki ya 9 Ukuboza uyu mwaka.

Mu cyumweru gishize Umuyobozi w’Ihuriro ry’imiryango yiyemeje gushakisha no gushyikiriza ubutabera abakekwaho Jenoside yakorewe Abatutsi mu Rwanda baba mu Bufaransa (CPCR), Alain Gauthier yavuze ko biteze ko uyu uzaba ari umwanya Abafaransa n’Isi yose babonye ngo bamenye ko mu 1994 mu Rwanda habaye Jenoside.

Ati” Isi igomba kumenya ko abakoze biriya byaha byibasiye ikiremwamuntu babonye ubuhungiro mu Bufaransa.”

Ubuyobozi bwa Ibuka bwo buvuga ko nk’abarokotse Jenoside, icyo bifuza ari ukubona ubutabera nyabwo mu Bufaransa, niba badashoboye kohereza abakoze ibyaha ngo baburanishirizwe mu Rwanda.

Mu kiganiro na The Newtimes, Perezida wa Ibuka, Prof. Jean-Pierre Dusingizemungu yavuze ko urubanza rwa Simbikangwa rwari amahirwe akomeye yo kugaragaza uruhare u Bufaransa bwagize mu gutegura no gushyira mu bikorwa Jenoside yakorewe Abatutsi.

Uyu mugabo wabaye uwa mbere mu bakoze Jenoside waciriwe urubanza n’u Bufaransa, yatawe muri yombi mu 2008, nyuma y’imyaka 14 yihishahisha.
Izindi manza zabereye mu Bufaransa ni urwa Octavien Ngenzi na Tito Barahira bakatiwe igifungo cya burundu y’umwihariko.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved