Umwami wa Maroc agiye kugenderera u Rwanda

Yanditswe na Philbert Girinema
Kuya 4 Ukwakira 2016 saa 03:52
Yasuwe :
0 0

Umwami wa Maroc, Mohammed VI, arateganya gusura u Rwanda mu Ugushyingo uyu mwaka mu rugendo ruzaba rugamije gushimangira umubano hagati y’igihugu cye n’u Rwanda.

Ibinyamakuru bitandukanye byo muri Maroc byanditse ko hari umuyobozi wo mu Rwanda uherutse kwitabira imwe mu nama mpuzamahanga atangaza ko imyiteguro yo kwakira Umwami Mohammed VI irimbanyije.

Mu gihe uru ruzinduko rw’Umwami wa Maroc mu Rwanda rwakwemezwa, rwaba ruri muri gahunda yo gushimangira umubano hagati y’ibi bihugu byombi. Rwagiye ruvugwa kandi nyuma y’uko Perezida Kagame asuriye Maroc kuwa 20 Kamena uyu mwaka agahabwa umudali w’icyubahiro witiriwe Wissam Al-Mohammadi.

Uruzinduko rwa Perezida Kagame muri Maroc rufatwa nk’icyiciro gishya mu mateka y’umubano w’ibihugu byombi.Umwami Mohammed VI yatumiye Perezida Kagame, kuko mu myaka itanu cyangwa itandatu ishize ubwo u Rwanda rwabaga ruri mu Kanama k’Umutekano ka Loni, rwakunze gushyigikira ibitekerezo byabaga byazanywe na Maroc.

Nyuma yarwo Umwami Mohammed VI yashimiye byimazeyo ubufatanye n’uruhare Perezida Kagame yagize kugira ngo igihugu cye gifate umwanzuro wo kugaruka mu muryango wa Afurika Yunze Ubumwe (AU) yari yivanyemo ucyitwa OUA mu 1984 nyuma y’uko wari umaze kwakira Repubulika ya Sahara kandi igenzurwa na yo [Maroc].

Biteganyijwe ko Perezida Kagame azitabira Inama Mpuzamahanga yiga ku mihindagurikire y’ibihe ‘ COP 22’ izabera muri Maroc tariki 7-18 Ugushyingo 2016.

Amafoto ya Perezida Kagame muri Maroc ubwo yahabwaga umudali w’icyubahiro

Perezida Kagame ubwo yakirwaga n'Umwami wa Maroc
Perezida Kagame asuhuza abayobozi bo mu nzego za gisirikare muri Maroc
Perezida Kagame n'Umwami Mohammed VI ubwo baririmbaga indirimbo zubahiriza ibihugu
Abayobozi batandukanye baherekeje Perezida Kagame
Abakuru b'ibihugu byombi baganira
Umwami wa Maroc, Mohammed VI yambitse Perezida Kagame umudali ukoze muri diyama itavangiye
Maroc ishima imiyoborere ya Perezida Kagame
Perezida Kagame yakiriwe mu musangiro n'Umwami Mohammed VI

Amafoto: Village Urugwiro


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza