Umuyobozi wa Kaminuza ya Rusizi yatawe muri yombi

Yanditswe na Sitio Ndoli
Kuya 9 Gashyantare 2017 saa 09:43
Yasuwe :
0 0

Umuyobozi wa Kaminuza Mpuzamahanga ya Rusizi (Rusizi International University), Dr Gahutu Pascal yatawe muri yombi n’inzego zishinzwe umutekano muri ako karere, akekwaho gukoresha impapuro mpimbano no kunyereza umutungo w’ikigo yari akuriye.

Umuvugizi wa Polisi mu Ntara y’u Burengerazuba, CIP Théobard Kanamugire, yabwiye IGIHE ko uyu muyobozi yatawe muri yombi ku wa Gatatu mu masaha ya saa kumi n’imwe z’umugoroba, aho akurikiranyweho ibyaha byo kunyereza umutungo w’iyo kaminuza no gukoresha impapuro mpimbano.

CIP Kanamugire yavuze ko iperereza ku byaha uyu muyobozi akurikiranyweho rigikomeje kugira ngo ashyikirizwe ubutabera.

Nyuma yo gutabwa muri yombi, Dr Gahutu yahise ajya gufungirwa kuri sitasiyo ya polisi ya Kamembe.

Amakuru agera kuri IGIHE aravuga ko Dr Gahuta yaba yatawe muri yombi ku mugoroba wo ku wa Gatatu, tariki 8 Gashyantare 2017.

Iyi Kaminuza yakunze kuvugwamo ibibazo byo kutumvikana hagati y’abanyamigabane bayo ahanini bishingiye ku micungire yayo.

Inama y’Abamisitiri yo ku wa 20 Werurwe 2015 niyo yemereye Rusizi International University gutangira kwigisha nka kaminuza yemewe mu Rwanda.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza