Uruzinduko rw’Umuyobozi wa PSF muri ULK(Amafoto na Video)

Yanditswe na Ishimwe Israel
Kuya 16 Ugushyingo 2016 saa 10:37
Yasuwe : XX
0

Umuyobozi Mukuru w’Urugaga rw’Abikorera mu Rwanda (PSF), Gasamagera Benjamin, yagiriye uruzinduko muri Kaminuza Yigenga ya Kigali, ULK, umwe mu bafatanyabikorwa bayo b’Imena, atambagizwa inyubako zitandukanye ziyigize zikoreramo amashami atandukanye, anerekwa imishinga irambye iyi Kaminuza ifite.

Muri uru ruzinduko rwe, Gasamagera yamurikiwe umushinga wo kubaka ibitaro bizatanga serivisi z’ubuvuzi Abanyarwanda bajyaga gushaka mu mahanga.

Ibi bitaro byatangiye kubakwa kuya 1 Kamena 2016, biteganyijwe ko bizaba byuzuye mu 2019.

Inyubako bizaba bibarizwamo igizwe n’amagorofa umunani igabanyije mu bice bitatu birimo, Super Speciality Hospital izatanga serivisi z’ubuvuzi; General Hospital izafasha kuvura indwara zoroheje ndetse igafasha n’abanyeshuri biga ubuvuzi kwimenyereza umwuga, hakaza n’ikindi kizakoreramo Ishuri ryigisha Ubuvuzi.

Perezida wa ULK, Prof. Dr. Rwigamba Balinda, yatangarije Umuyobozi wa PSF ko bafite imishinga itandukanye igamije kongera no kwagura ibikorwa byabo ndetse no kurushaho gukorana n’Urwego rw’Abikorera mu Rwanda.

Gasamagera Benjamin yishimiye intambwe ULK imaze gutera ndetse ashimangira ko bazakomeza gukorana nayo mu gukemura zimwe mbogamizi ihura nazo.

Yagize ati “Tuzagerageza gukora ibishoboka byose tubabe hafi, tubashyigikire, tubafashe gukora ubuvugizi mu nzego zitandukanye uko bishoboka, tubahuza n’abantu benshi mwafatanya gushyira mu bikorwa imishinga yanyu kandi nizeye ko bizatanga umusaruro.”

Nyuma yo gusura ibikorwa bitandukanye bya ULK, Umuyobozi Mukuru wa PSF yashyikirije igikombe Perezida wa ULK, Prof. Dr. Rwigamba Balinda, amushimira kuba umufatanyabikorwa mwiza kandi w’icyitegererezo.

Indi nkuru bifitanye isano:Umuyobozi w’Urugaga rw’Abikorera yasuye Kaminuza Yigenga ya Kigali ULK (Amafoto)

Basura inyubako ikoreramo icyiciro cya Gatatu cya Kaminuza (Masters)

Perezida wa ULK, Prof. Dr. Rwigamba Balinda mu byishimo byo kwakira Umuyobozi wa PSF, Gasamagera Benjamin
Basura ibyumba byigishirizwamo mudasobwa
Umuyobozi w’Urugaga rw’Abikorera mu Rwanda, Gasamagera Benjamin yishimiye iterambere ULK imaze kugeraho
Igishushanyombonera cya ULK mu minsi iri imbere
ULK imaze kwegukana ibikombe byinshi mu mikino itandukanye

Basura inyubako ikoreramo abiga ibijyanye n’ikoranabuhanga

Niyonkuru Jean de Dieu ushinzwe ibijyanye n'itumanaho n'ikoranabuhanga asobanurira umuyobozi wa PSF amasomo batanga
Gasamagera Benjamin yanyuzagamo akabaza ibibazo agahita ahabwa ibisubizo bimunogeye

Basura ahari kubakwa ibitaro bizatanga serivisi Abanyarwanda bajyaga gushaka mu mahanga

Ahari kubakwa ibitaro bya ULK
Umuyobozi Ushinzwe Ibikorwa by’Iyubakwa ry’ibi bitaro muri ULK, Balinda Daniel (uwa kabiri uhereye ibumoso) asobanura umushinga w'ibitaro
Perezida wa ULK, Prof. Dr. Rwigamba Balinda (iburyo) na Gasamagera Benjamin uyobora PSF

Ishuri ry’Imyuga n’Ubumenyingiro (ULK Polytechnic Institute) rimaze kuba ubukombe

Ahigishirizwa ibijyanye n'ubwubatsi
Gasamagera yerekwa igikoresho kigezweho kifashishwa mu gupima no gutunganya sima
Hari imashini zigezweho zagenewe gukoreshwa mu bwubatsi
Basura aho abiga ibijyanye n'ububaji bimenyerereza umwuga

Umuyobozi wa PSF, Gasamagera Benjamin yagiranye ibiganiro byihariye na Perezida wa ULK, Prof. Dr Rwigamba anamushyikiriza igihembo

Gasamagera Benjamin (iburyo), Perezida wa ULK, Prof. Dr. Rwigamba Balinda n'Umuyobozi Mukuru wa Kaminuza ya ULK, Dr. Sekibibi Ezekiel baganira
Gasamagera Benjamin yahaye Perezida wa ULK, Prof. Dr. Rwigamba Balinda igihembo cy'ishimwe cy'umufatanyabikorwa w'imena
Gasamagera yasobanuriwe amateka ya Kaminuza ya ULK kuva yashingwa ndetse n'uruhare rwayo mu guteza imbere uburezi mu Rwanda
Umunyamabanga wa Perezida wa ULK, Amani Manzi Alain
Abayobozi ba Kaminuza ya ULK n'Umuyobozi wa PSF bafata ifoto y'urwibutso

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza