Kwamamaza

Umuvunyi Mukuru yagize icyo avuga ku basaba ruswa biyitirira urwego ayobora

Yanditswe kuya 15-11-2016 saa 11:41' na Tombola Felicie


Urwego rw’Umuvunyi rwasabye abanyarwanda gushishoza kuko hari abarwiyitirira abagasaba ruswa abaturage ngo babakemurire ibibazo.

Nyuma yuko Polisi y’u Rwanda itaye muri yombi abagabo bane n’umugore umwe biyitiriraga gukora mu Rwego rw’Umuvunyi bagasaba ruswa abaturage,uru rwego rwasabye abaturarwanda gushishoza bakamenya ko uru rwego rudasaba amafaranga ngo rukemure ibibazo by’abaturage kuko ari inshingano zarwo.

Hari ku itariki ya 8 Ugushyingo 2016 ubwo Polisi yataga muri yombi itsinda ry’abantu batanu bo mu karere ka Rusizi biyitiriraga urwego rw’umuvunyi bagasaba ruswa abaturage.

Abo batekamutwe ngo biyitaga amazina y’abakozi bakorera urwego rw’umuvunyi cyangwa abigeze kuhakora maze bagahamagara polisi ndetse n’inzego z’ibanze bagasaba amakuru ku baturage bazi ko bafite ibibazo byagejejwe ku muvunyi bikazasoza babatse ruswa ngo babakemurire ibibazo.

Iyo abaturage bamagaraga kubyemera babasabaga kohereza ayo mafaranga bemeranijwe hakoreshejwe Mobile Money.

Mu itangazo rigenewe abanyamakuru , Umuvunyi Mukuru, Aloysie Cyanzayire yagize ati”Bitewe n’abamaze iminsi biyitirira Urwego rw’Umuvunyi basaba amafaranga abaturage, Urwego rw’Umuvunyi rurasaba umuntu uwo ari we wese wagizweho ingaruka n’ibikorwa by’abiyitirira uru rwego, uwasabwe cyangwa uwasabwa amafaranga cyangwa amakuru, kubimenyesha Urwego rw’Umuvunyi kugira ngo ibibazo bye bikurikiranwe.”

Ubwo butumwa bukomeza buvuga ko abaturarwanda bakwiye guca ukubiri n’umuco wo gutanga ruswa no kwirinda koherereza umuntu batazi amafaranga bakoresheje telefoni.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved