Kwamamaza

Umushinga w’Itegeko mushya wambura abanyapolitiki bimwe mu byo bahabwaga

Yanditswe kuya 15-11-2016 saa 05:19' na Philbert Hagengimana


Minisiteri y’Abakozi ba Leta n’Umurimo (MIFOTRA) yasobanuriye Abadepite Umushinga w’Itegeko rigabanya ibigenerwa abahoze mu myanya y’ubutegetsi bw’u Rwanda.

Uwo mushinga w’itegeko wamuritswe na Minisitiri w’Abakozi ba Leta n’Umurimo, Judith Uwizeye, ureba abakozi bakuru mu bya Politiki nka Perezida w’Inteko Ishinga Amategeko, Perezida w’Urukiko rw’Ikirenga ndetse na Minisitiri w’Intebe.

Uwo mushinga w’Itegeko usaba ko mu gihe batakiri mu kazi ka Leta, bagenerwa umushahara mu gihe cy’amezi atandatu aho kuba 12 nk’uko byari bisanzwe, ndetse n’ibindi bagenerwa nk’ibiborohereza akazi bikaba bigomba kuvanwaho.

Uretse icyo yise kurengera umutungo wa Leta, Minisitiri Uwizeye avuga ko hari n’amafaranga yatangwaga, ariko adafitiwe ibisobanuro byumvikana.

Ati “Kuki umuntu ava ku buyobozi akajya mu rwego yakoreraga agiye kubaza amakarita ya telefoni? […] Ngo uhabwe amafaranga yo kwakira abashyitsi b’akazi kandi ntakagihari.”

Hari n’ikindi cyiciro cy’abayobozi bakuru bo bakomezaga guhabwa umushahara wabo mu gihe cy’amezi 6, abo bo bakazakomeza kuyahabwa hagendewe kuri uwo mushinga w’Itegeko rishya, ariko ibindi byose bagenerwaga bikurweho.

Abadepite basabwa gutora ishingiro ry’uwo mushinga w’Itegeko, ni bamwe mu bo rizagiraho ingaruka, dore ko bagenerwaga umushahara w’amezi atandatu nyuma yo gusoza imirimo yabo mu Nteko Ishinga Amategeko.

Izindi mpinduka ziteganyijwe muri uwo mushinga w’Itegeko, ni uko umuyobozi ubonye akandi kazi kamuhemba umushahara, agomba guhita atakaza uwo yahabwaga na Leta kabone n’ubwo ayo mezi atandatu yaba atararangira, mu gihe ubusanzwe bakomezaga guhembwa hatitawe ku nyungu bakura mu kazi gashya babonye.

Minisitiri w’Abakozi ba Leta n’Umurimo, Judith Uwizeye
Abadepite barasabwa gutora uyu mushinga

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved