00:00:00 IGIHE NETWORK KN KINYARWANDA EN ENGLISH FR FRANCAIS

Umurambo wa Joseph Habineza wagejejwe mu Rwanda

Yanditswe na Iradukunda Serge
Kuya 27 Kanama 2021 saa 05:32
Yasuwe :
0 0

Umurambo wa Joseph Habineza wagejejwe mu Rwanda kuri uyu wa Gatanu uvanywe i Nairobi muri Kenya aho yatabarukiye.

Indege yagejeje umurambo wa nyakwigendera yageze ku Kibuga cy’Indege cya Kigali ahagana saa kumi z’umugoroba, uhita ujyanwa mu buruhukiro bw’ibitaro bya Kacyiru.

Ku Kibuga cy’indege hari hateraniye abagize umuryango we n’inshuti. Imihango yo kumusezeraho yakomereje mu rugo rwa nyakwigendera, ahari kubera amasengesho yo kumusabira. Ni amasengesho yayobowe n’abavugabutumwa bo mu itorero ry’Aba-Presbytérienne, Habineza yari asanzwe abarizwamo.

Ijambo ry’Imana ryavugiwe muri uyu muhango w’amasengesho ryagarutse ku guhumuriza umuryango wa nyakwigendera ugaragarizwa ko udasigaye wonyine.

Ni umuhango witabitiriwe n’inshuti ze ndetse n’abo bakoranye barimo n’uwahoze ari Perezida wa Sena, Bernard Makuza.

Joseph Habineza yitabye Imana ku wa 20 Kanama 2021, azize uburwayi.

Biteganyijwe ko umuhango wo kumusezeraho uzaba ku wa Gatandatu tariki ya 28 Kanama mu gihe gushyingura biteganyijwe ku wa Mbere tariki 30 Kanama i Rusororo.

Kubera ibihe by’icyorezo cya Covid-19, hazashyirwaho umuyoboro abantu bazakurikiraniraho umuhango mu buryo bw’ikoranabuhanga.

Inshuti z'Umuryango wa Habineza Joseph n'abavandimwe bari bagiye ku kibuga cy'indege cya Kigali kwakira umurambo we
Ubwo imodoka itwaye umurambo wa nyakwigendera yari isohotse ku kibuga cy'indege cya Kigali
Umurambo wa Joseph Habineza wageze ku kibuga cy'indege ku gicamunsi cyo kuri uyu wa Gatanu
Umuhango w'ikiriyo cya Ambasaderi Joseph Habineza wakomereje mu rugo rwe ahari kubera amasengesho yo kumusabira

Amafoto: Yuhi Augustin


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .