Umunyeshuri yatsindiye moto ya Kabiri muri poromosiyo “ Tunga ” ya Airtel

Yanditswe na Ishimwe Israel
Kuya 27 Kanama 2016 saa 10:01
Yasuwe :
0 0

Bugingo Jonas wiga mu ishami ry’Icungamutungo muri Kaminuza y’u Rwanda, yabaye umunyamahirwe wa Kabiri utsindiye moto muri poromosiyo yitwa “ Tunga” ya Airtel Rwanda.

Kuri uyu wa Gatanu tariki 26 Kanama 2016 nibwo uyu munyeshuri yashyikirijwe moto ifite agaciro ka miliyoni 1,500,000 y’amafaranga y’u Rwanda yatsindiye.

Bugingo yavuze ko yegukanye iyi moto afite amanota agera kuri 3.450.000, akaba yarakoresheje amafaranga arenga ibihumbi 100.

Yagize ati “ Ndishimira kuba mbaye umunyamahirwe, ngahabwa moto. Ngiye gushaka umumotari uzajya ayitwara kugira ngo izamfashe mu myigire yanjye. Ndashishikariza bagenzi banjye bose kugerageza amahirwe kuko uko bagiye basubiza ibibazo neza baba barimo kwiyongerera amahirwe yo kwegukana ibihembo.”

Umukozi wo muri Airtel Rwanda mu ishami ry’imenyekanishabikorwa, Munganyinka Liliane we yasabye abafatabuguzi babo gutinyuka bakagerageza amahirwe yabo ngo kuko buri mukiliya wese ashobora kwegukana ibihembo byo muri iyi poromosiyo.

Yagize ati “Icyo twababwira ni ugutinyuka ntibitinye ndetse ntibumve ko hari uwo amahirwe yagenewe kuko ibihembo bigenewe abafatabuguzi ba Airtel bose.”

Yongeyeho ko nta we ukwiye gucika intege ahubwo bagomba gukomeza kugerageza amahirwe yabo ngo kuko hasigaye izindi moto 10 n’imodoka bizatangwa.

Iyi poromosiyo ‘Tunga’, Airtel Rwanda ihemba abanyamahirwe batanu ku munsi, ama-Unites y’ibihumbi bibiri na moto itangwa buri Cyumweru ndetse n’imodoka izatangwa nk’igihembo gikuru ubwo izaba irangiye.

Iyi Poromosiyo iri kuba ku nshuro ya Kabiri mu Rwanda biteganyijwe ko izamara amezi atatu. Gusa kugira ngo umuntu abe umunyamahirwe bimusaba kwandika *155# akagenda asubiza ibibazo agenda abazwa.

Bugingo Jonas amaze guhabwa ibyangombwa bya moto
Bugingo Jonas ari kuri moto yatsindiye
Bugingo Jonas yatangaje ko iyi moto izamufasha mu myigire ye
Umukozi wo muri Airtel Rwanda mu ishami ry’imenyekanishabikorwa, Munganyinka Liliane

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza