Umunyeshuri wa UR yapfuye avuye gufata ikanzu yo kwambara asoza Kaminuza

Yanditswe na Thamimu Hakizimana
Kuya 5 Ugushyingo 2019 saa 01:40
Yasuwe :
0 0

Bizimana Pierre wari urangije muri Kaminuza y’u Rwanda mu Ishami rya Huye mu bijyanye n’Icungamari (Finance), yapfuye avuye gufata ikanzu yari kwambara mu birori byo gusoza icyiciro cya Kabiri cya Kaminuza.

Ku mugoroba w’ejo ku wa Mbere, nibwo Bizimana, yaguye mu mpanuka yabereye ku Kamonyi nyuma y’uko yari avuye muri Kaminuza y’u Rwanda i Huye gufata ikanzu yari kuzambara mu muhango wo gusoza amasomo ye uzaba kuri uyu wa Gatanu.

Kaminuza y’u Rwanda ibinyujije ku rubuga rwayo rwa Twitter, yemeje ko Bizimana Pierre, yapfiriye mu mpanuka yabereye mu Karere ka Kamonyi avuye gufata ikanzu yari kuzambara mu muhango wo gusoza Kaminuza (Graduation).

Kuwa Gatanu tariki ya 8 Ugushyingo 2019, nibwo hateganyijwe ibirori byo kurangiza kaminuza uzabera mu Karere ka Huye ahari ishami rya Kaminuza y’u Rwanda.

Bizimana wari urangije muri UR yaguye mu mpanuka
Bizimana yaguye mu mpanuka yabereye mu Karere ka Kamonyi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza