Kwamamaza

Umunyeshuri ufite ubumuga yafashijwe na “Airtel Touching Lives’

Yanditswe kuya 28-09-2016 saa 15:25' na Thamimu Hakizimana


Nsanzabaganwa Christian ufite ubumuga bw’ingingo, wiga muri Kaminuza y’u Rwanda mu mwaka wa Gatatu mu ishami ry’Ubuvuzi yashyikirijwe moto n’imbago yemerewe na Sosiyete y’Itumanaho ya Airtel Rwanda ibinyujije muri gahunda ya “Airtel Touching Lives.”

Iyi gahunda ya ‘Airtel Touching Lives’ igamije kureba abanyarwanda batanga umusanzu muri sosiyete ndetse n’abafite umutima n’ibikorwa bifasha abababaye, Airtel Rwanda, ikazabafasha kubaha ubushobozi bwabafasha mu kazi kabo.

Kuri uyu wa Kabiri tariki ya 27 Nzeri 2016, nibwo Airtel Rwanda yashyikirije Nsanzabaganwa w’imyaka 27, moto n’imbago bifite agaciro ka miliyoni 1,350,000 nk’umuntu wa mbere mu bantu 10 iyi sosiyete iteganya gutera inkunga muri gahunda yayo yise “Airtel Touching Lives”.

Nsanzabaganwa yavuze ko yishimiye cyane moto n’imbago yahawe na Airtel ngo kuko bizamufasha mu buzima bwe bwa buri munsi.

Yagize ati “ Ndishimye cyane ku buryo ntazi uko nabivuga kuko nari maze igihe mbitegereje nkumva umunsi wo kuzabihabwa waratinze kugera.”

Uyu munyeshuri yemeza ko izo mbago yahawe zizamufasha guhagarara neza no kugenda ahantu harehare ndetse ko moto ye azajya ayifashisha ajya kwiga bitewe n’uko byamugoraga kugera ku ishuri.

Umuyobozi ushinzwe Ubucuruzi n’imenyekanishabikorwa muri Airtel Rwanda, Nyampinga Clementine yabwiye IGIHE ko Airtel yahaye imbago na Moto Nsanzabaganwa kuko yasanze afite ejo hazaza heza.

Yagize ati “ Iyi ni gahunda twatangiye uyu mwaka yo gufasha cyangwa guha umuntu ku giti cye cyangwa amashyirahamwe atishoboye aba yaratwandikiye akatubwira ibyo akora n’ubufasha akeneye. Airtel Rwanda yafashije Nsanzabaganwa Christian nk’umwe mu bantu 10 bazafashwa binyuze muri gahunda ya ‘Airtel Touching Lives’ nyuma yo kumubonamo ubushobozi bw’ejo hazaza kuko mu bihe biri imbere ashobora kuzaba umuganga uzajya uvura abantu benshi."

Iki gikorwa cya Airtel ‘Touching Lives’ kimaze gukorwa mu bihugu bitandukanye ku mugabane wa Afurika aho Airtel ikorera, ndetse ngo byanabaye umusemburo wo kumva ibibazo bitandukanye abaturage bahura nabyo no kubunganira kwishakamo ibisubizo byabyo.

Nsanzabaganwa ashyikirizwa urufunguzo rwa moto
Nsanzabaganwa wiga muri Kaminuza avuga ko moto yahawe izamufasha mu myigire ye
Nsanzabaganwa Christian ahabwa imbago
Nsanzabaganwa yishimiye moto n'imbago yahawe
Umuyobozi ushinzwe Ubucuruzi n’imenyekanishabikorwa muri Airtel Rwanda, Nyampinga Clementine avuga ko iyi gahunda izafasha abantu icumi
Nsanzabaganwa Christian na bamwe mu bakozi ba Airtel nyuma yo gushyikirizwa moto

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved