Umunyemari Makuza Bertin arashyingurwa

Yanditswe na Philbert Girinema
Kuya 7 Ugushyingo 2016 saa 04:40
Yasuwe : XX
0

Umunyemari Makuza Bertin uherutse kwitaba Imana azize indwara y’umwijima, arashyingurwa kuri uyu wa Mbere nyuma y’imihango yo kumusezeraho.

Makuza wari ufite imyaka 73 yitabye Imana kuwa Gatatu w’icyumweru gishize aguye mu bitaro byitiriwe Umwami Faisal. Asize umugore n’abana batandatu.

Imihango yo kumushyingura iraba mu gitondo cyo kuri uyu wa Mbere nyuma ya misa yo kumusezeraho iri bubere muri Kiliziya yitiriwe umubyeyi w’Amahoro ‘Regina Pacis’ i Remera. Nyuma yayo arashyingurwa mu rugo rwe nk’uko Claude Makuza, umwe mu bana be yabitangarije The New Times.

Umuhungu wa nyakwigendera, yatangaje ko kuwa Gatatu [tariki 2 Ugushyingi 2016] yari yabyutse ameze neza nk’ibisanzwe hanyuma ajya ku kazi gusa yaje kumva atameze neza ajyanwa ku bitaro by’Umwami Faisal.

Claude yakomeje avuga ko se yari amaze igihe kinini afite uburwayi bw’umwijima ndetse ko aribwo yazize nkuko byagaragajwe n’ibizamini byo kwa muganga.

Uyu mwana wa gatatu wa Makuza Bertin yagize ati “ Yongeye kugira ikibazo cy’umwijima kuwa Kabiri ubwo byakomeraga cyane. Yajyanwe ku bitaro igitaraganya avira imbere ndetse anaruka. Ku bw’amahirwe make, abaganga ntibabashije kumurokora.

Makuza Bertin yari umwe mu banyemari bazwi cyane mu Rwanda kubw’ibikorwa by’ubucuruzi bitandukanye yakoraga birimo uruganda Rwanda Foam rumaze imyaka 30 rukora matola. Azwi kandi cyane kubw’inyubako M Peace Plaza iherereye mu mujyi wa Kigali hagati yuzuye itwaye akayabo kangana na miliyoni 40 z’amadolari y’Amerika.

Mu Ukuboza 2015, Makuza Bertin ubwo yari mu biganiro n'abo babanaga mu rugaga rw'abikorera mu Rwanda, PSF

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza