Kwamamaza

Umunyemari Aga Khan agiye kubaka ibitaro bikomeye mu bihugu birimo u Rwanda

Yanditswe kuya 12-11-2016 saa 07:17' na Rabbi Malo Umucunguzi


Umunyemari ufite ibikorwa bitandukanye by’ishoramari muri Afurika y’Iburasirazuba, Aga Khan agiye kubaka ibitaro bikomeye mu Rwanda, mu mushinga w’akayabo ka miliyoni z’amadolari zigiye gushorwa muri Afurika y’Iburasirazuba.

Kuri uyu wa Gatanu tariki 11 Ugushyingo, Umunyamabanga Mukuru w’Umuryango wa Afurika y’Iburasirazuba, Ambasaderi Liberat Mfumukeko, yagiranye ibiganiro na Aga Khan, amugaragariza ko agiye kwagura ibitaro bya Dar Es Salaam bikagira ibitanda 600, akubaka ibitaro na Kaminuza byamwitiriwe muri bihugu bya Afurika y’Iburasirazuba binyuze mu kigo cye, Aga Khan Development Networks (AKDN).

Ambasaderi Liberat Mfumukeko abinyujije kuri Twitter ye yagize ati “Uyu munsi nahuye na Nyiricyubahiro Aga Khan nyiri AKDN ugiye kubaka ibitaro muri Uganda, mu Rwanda no kwagura ibya Dar Es Salaam. Aga Khan yemeye kongera ibitaro bya Dar es Salaam bikagira ibitanda 600 akanagurira ibikorwa by’ibitaro na Kaminuza bya AKDN mu bihugu byose bigize EAC."

Mfumukeko kandi yagaragaje ko uyu munyemari azanubaka Kaminuza za Aga Khan mu bihugu byose bigize Afurika y’Iburasirazuba birimo Kenya, Tanzania, Uganda, u Rwanda, u Burundi na Sudani y’Epfo.

Ibitaro bya Aga Khan ni uruhurirane rw’amavuriro akomeye uyu munsi abarizwa i Dar es Salaam, Mumbai, Kisumu, Mombasa, Nairobi na Karachi muri Pakistan.

Umushinga wo kubaka ibitaro bya Kaminuza muri Uganda bizubakwa ahitwa Naguru, icyiciro cya mbere kizarangira bitarenze 2020 kikazatwara miliyoni $100, aho bizaba bifite ibitanda 150 nubwo intego ari 600, bivura indwara z’abagore, abana, umutima n’izindi.

Aga Khan asanganwe ibikorwa by’ubucuruzi mu Rwanda no mu bindi bihugu bisaga 30, aho ariwe nyir’amahoteli azwi ku izina rya Serena, mu Rwanda hakaba amashami abiri, iry’i Kigali na Rubavu, hakaba n’ikigo Nation Media Group cyari gifite radio KFM.

AKDN ikorera mu bihugu bisaga 30 ku Isi, ikagira n’abakozi 80 000 abenshi bari mu bihugu biri mu nzira y’amajyambere. Iki kigo AKDN buri mwkaa kibarirwa mu ngengo y’imari ya miliyoni zigera muri $625 buri mwaka.

Liberat Mfumukeko nyuma y'ibiganiro na Aga Khan

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved