Umunyarwandakazi ntiyahiriwe mu irushanwa rya Miss Afrique Canada mu 2019 (Amafoto)

Yanditswe na Muvunyi Arsène
Kuya 24 Kamena 2019 saa 12:09
Yasuwe :
0 0

Umunyarwandakazi Damarce Heshima ntiyabashije kwitwara neza mu irushanwa rya Miss Afrique Canada rya 2019 ryegukanywe Yelana Tawokam ukomoka muri Cameroun.

Ku wa 22 Kamena mu Mujyi wa Montreal nibwo hasojwe irushanwa ry’ubwiza rihuza abakobwa bakomoka ku mugabane wa Afurika batuye muri Canada.

Iri rushanwa ryari ryahuje abakobwa bagera kuri 18 barimo n’umunyarwandakazi Heshima.

Umuhango wo gutanga ikamba waranzwe n’ibice bitandukanye birimo gusubiza ibibazo by’Akanama Nkempurampaka, kwerekana impano, kwiyerekana mu myenda itandukanye harimo iranga umuco w’ibihugu bakomokamo, bikini n’imyenda yo gusohokana.

Uyu munyarwandakazi ntiyagize amahirwe yo kwitwara neza muri iri rushanwa kuko atabashije no kugera muri barindwi ba mbere.

Yelana Tawokam ukomoka muri Cameroun niwe wambitswe ikamba naho Aye Sonna Barry ukomoka muri Guinée aba igisonga cya mbere mu gihe Déborah Bouiti-viaudo wo muri Congo-Brazaville yabaye igisonga cya kabiri.

Umwaka ushize ikamba rya Miss Afrique Canada ryegukanywe n’umukobwa ukomoka muri Nigeria witwa Wuraola Taibat Adeyemi naho Safiatou Barry wo muri Guinée aba igisonga cya Mbere mu gihe Uwase Nancy Sibylle ukomoka mu Rwanda yabaye igisonga cya Kabiri.

Abakobwa 18 nibo bahatanaga
Abakobwa barin]dwi bageze ku cyiciro cya nyuma ntibarimo umunyarwandakazi
Damarce Heshima ubwo yiyerekanaga muri bikini
Miss Afrique Canada n'ibisonga bye bahawe ibikombe
Damarce Heshima yerekana impano ye
Muri Miss Afrique Canada biyerekana no muri Bikini
Umunyarwandakazi yiyerekanye akenyeye bya kinyarwanda, yikoreye n'agaseke bigaragaza umuco w'iwabo
Yelena Tawokam wahigitse abandi 17 bari bahanganye
Ukomoka muri Cameroun niwe wegukanye ikamba rya Miss Afrique Canada

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza