00:00:00 IGIHE NETWORK KN KINYARWANDA EN ENGLISH FR FRANCAIS

Umuntu umwe yaburiwe irengero mu mpanuka y’ubwato bwarohamye mu Kivu

Yanditswe na Mukwaya Olivier
Kuya 18 Nyakanga 2021 saa 02:48
Yasuwe :
0 0

Ubwato bukora ubwikorezi bw’ibintu mu kiyaga cya Kivu bwakoze impanuka mu rukerera rwo kuri iki cyumweru tariki 18 Nyakanga 2021, umuntu umwe muri babiri bari barimo aburirwa irengero.

Ni impanuka yabaye ahagana saa kumi za mu gitondo mu murenge wa Nyamyumba, Akagari ka Busoro mu mudugudu wa Kabushongo muri Rubavu.

Amakuru avuga ko ubwo bwato bwari bwikoreye amabuye y’amapave, buyakuye Nyamyumba buyajyanye mu murenge wa Boneza mu karere ka Rutsiro.

Bwari butwawe na Ndayisaba Bernard w’imyaka 51 ari kumwe n’umuhungu we witwa Hakizimana Etienne w’imyaka 20. Mu gihe bari bamaze kurenga ahacukurwa Gaz Methane mu Kivu nibwo bahuye n’umuhengeri mwinshi ubwato burarohama.

Hakizimana Etienne yabashije koga avamo ari muzima naho se Ndayisaba Bernard amanukana nabwo.

Umunyamabanga Nshingwabikorwa w’Umurenge wa Nyamyumba Kazendebe Heritier yemeje aya makuru, avuga ko umurambo wa Ndayisaba Bernard utaraboneka.

Ati “Biragoranye ko umurambo we waboneka kuko yamanukanye n’ubwato kandi bupakiye’’.

Yakomeje ahumuriza umuryango wabuze umuntu ntubashe no kumushyingura, abizeza ubufasha bw’ubuyobozi.

Impanuka mu kiyaga cya Kivu yaherukaga tariki 22 Ukwakira 2019 ubwo imodoka y’Ikigo cy’Abashinwa cyakoraga umuhanda uva ahazwi nka Marine i Rubavu ugana ku ruganda rwa Bralirwa, yataga umuhanda ikagwa mu kiyaga cya Kivu abantu babiri bakahasiga ubuzima.

Ubwato bwarohamye bumaze kurenga ahateganywa gucukurwa gaz methane

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .