Kwamamaza

Umuhinde w’imyaka 16 yatunguwe n’iterambere yasanze mu Rwanda nyuma y’igihe abeshywa

Yanditswe kuya 20-09-2016 saa 07:28' na Jean Pierre Tuyisenge


Umuhindekazi w’imyaka 16, Neysa Sanghavi wari warabeshywe ko mu Rwanda nta mutekano uharangwa kubera ibihe bibi bya Jenoside yakorewe abatutsi igihugu cyanyuzemo, yavuze ko yatunguwe no kubona u Rwanda rurimo umucyo n’urumuri by’iterambere bikwiye kubera isomo amahanga.

Neysa Sanghavi atuye mu Mujyi wa Mumbai mu Buhinde, ariko yiga mu ishuri ryisumbuye rya Singapore International School muri Thailand.

Uyu mukobwa w’imyaka 16 avuga ko yifuje kuza mu Rwanda kuva kera ariko abantu benshi ndetse n’inyandiko yajyaga abona kuri internet zisebya u Rwanda bigatuma atagira umutima wo kuruzamo.

Mu kiganiro yagiranye na IGIHE, yatangaje ko yatunguwe no gusanga ibyo yabwiwe ku Rwanda bitandukanye n’uko yarusanze. Neysa yatangaje ko yasanze Abanyarwanda baseka ndetse ko bariyunze bifatika.

Yagize ati “ Ntekereza kuzaza gusura u Rwanda bambwiraga ko nta mahoro nzahasanga ndetse ko nzagirirwa nabi, gusa mpageze nasanze ibyo nabwirwaga bitandukanye n’ibyo nasanze, ahubwo ninsubirayo nzababwira ko Abanyarwanda ari abantu beza, ndetse n’igihugu gitekanye.”

Sanghavi avuga ko yagize akanya ko gusura abarokotse Jenoside yakorewe abatutsi, agakorana nabo umuganda ndetse ngo yiteguye gukora ubuvugizi bwo gutangiza umushinga wo kubatera inkunga.

Yagize ati “ Nyuma yo gusura abarokotse Jenoside yakorewe abatutsi mu 1994, ngiye gutangiza umushinga uzaba ugamije gufasha abarokotse Jenoside yakorewe abatutsi. Nzazana abakorerabushake b’Abahinde tugerageze kumenyekanisha ibikorwa byabo by’ubugeni bakunze gukora n’iby’impano bafite.”

Sanghavi yashenguwe bikomeye no kubona abantu basaga miliyoni bicwa bazira uko baremwe, gusa yongeyeho ko we n’abandi banyeshuri bafite amatsinda bajyamo nyuma y’amasomo, ayo akaba ngo agiye kuyakoresha asaba ko ibyabaye mu Rwanda bitagira ahandi biba ku isi.

Avuga ko yajyaga yumva u Rwanda kuri internet, no mu binyamakuru Mpuzamahanga ariko ngo ashaka kwimara amatsiko nawe afata icyemezo cyo kurusura.

Yavuze ko yize Jenoside zitandukanye zabaye mu bindi bihugu, ariko ngo iyakorewe abatutsi niyo yamubabaje cyane kuko ngo ari ubwa mbere yakumva abantu basaga miliyoni bapfa mu gihe gito cy’amezi atatu gusa.

Ikindi cyamutunguye ubwo yageraga mu Rwanda, ngo ni ukubona abanyarwanda baseka, bishimye, bakorera hamwe ndetse bafatanyije, nyuma y’amahano yabaye.

Si Neysa Sanghavi gusa watunguwe n’aho u Rwanda rugeze rwiyubaka kuko n’abadepite bo mu Nteko Ishinga Amategeko y’Umuryango wa Afurika y’Iburasirazuba(EALA) baheruka gusura u Rwanda bavuze ko intambwe rwateye nyuma ya Jenoside yakorewe abatutsi ikwiye kubera Afurika ndetse n’Isi yose urugero.

Mu mashusho: Ikiganiro na Neysa Sanghavi w’imyaka 16

Umuhindekazi w’imyaka 16, Neysa Sanghavi yatunguwe n'iterambere u Rwanda rumaze kugeraho nyuma y'imyaka 22 igihugu kibayemo Jenoside yakorewe Abatutsi

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 30 Nzeri 2016
Copyright © 2009 -2014 - IGIHE Ltd - All Rights Reserved