Kwamamaza

Cogebanque yiyemeje gufasha abatuye umujyi wa Muhanga kuwuhindura ikigega cy’u Rwanda

Yanditswe kuya 14-09-2016 saa 18:17' na IGIHE


Inzobere mu bukungu n’ubucuruzi bemeza ko aho Akarere ka Muhanga gaherereye bikemerera kuba ikigega cy’Igihugu gihuza Amajyepfo n’Umujyi wa Kigali.

Mu gihe abatuye Umujyi wa Muhanga bakora imishinga binyuze muri konti ya Shobora ya Cogebanque, bagashora imari mu bikorwa nk’ubucuruzi nta kabuza ko bahindura akarere kabo ikigega cy’u Rwanda by’umwihariko bagahuza Umujyi wa Kigali n’Amajyepfo n’igice cy’Uburengerazuba nk’Akarere ka Ngororero, Karongi na Rutsiro.

Umuyobozi w’ishami rya Cogebanque i Huye, Karegeya Charles avuga ko byakorohera abacuruzi b’i Huye n’Amajyepfo kuba barangura ibicuruzwa byabo mu mujyi wa Muhanga batiriwe bagera i Kigali.

Ashimangira ko abatuye uyu mujyi basabwa gukora imishinga ibyara inyungu, bagashora imari mu bikorwa by’ubucuruzi n’inganda ziciritse ku buryo bagaburira abaturanyi batageze i Kigali.

Yagize ati “ Birakwiye ko abatuye Muhanga bakorana na Cogebanque banyuze muri konti yo kwizigamira ya Shobora ku buryo bakora imishinga ibyara inyungu bakazamura umujyi wabo.”

Karegeya akomeza avuga ko “Shobora” ari konti yo kwizigamira amafaranga mu gutangiza imishinga, aho mu myaka itatu, ya mafaranga aba yungutse andi ku buryo umukiriya atangira imishinga ndetse akaba yagana Cogebanque ikamuguriza ku nyungu nto igabanyijwe ku kigereranyo cya 2 % y’inyungu isanzwe icibwa abakiriya bandi batagannye gahunda ya Shobora.

Yagize ati “ Umukiriya atangira yizigamira gahoro gahoro bitewe n’ubushobozi bwe, nyuma y’igihe akaba afite igishoro cyo gutangiza umushinga. Shobora ibereye cyane abacuruzi.”

Uretse iyi konti zo kwizigamira muri Cogebanque bafite izindi nka Iyubakire ku bashaka gusezera ubukode bw’inzu, Nteganyiriza Minuze ku gutegura uburezi na Teganya ijyanye no kwizigamira by’ejo hazaza mu buzima bwa buri munsi.

Karegeya Charles yakomeje ashishikariza abatuye i Muhanga gukorana n’aba Agent ba Cogebanque anabamenyesha ibyiza byo gufungura konti yitwa Itezimbere ifungurirwa gusa ku mu Agent ukorana na Cogebanque.

Umukiriya uyifunguje ntacibwa amafaranga yo gucunga konti buri kwezi kandi kuyifunguza ni ubuntu. Uwafunguje konti Itezimbere ahabwa serivisi zose za banki nk’abandi bakiriya bose bafungurije mu mashami ya Cogebanque ndetse ayikoresha kuri Agent ndetse no ku mashami ya Cogebanque mu gihugu cyose.

Ishami rya Cogebanque i Muhanga riri ku muhanda munini werekeza i Huye, urenze kuri gare, ryatangiye gutanga serivisi muri Kamena 2009.

Muhanga, umwe mu Mijyi iri gukura vuba cyane mu bijyanye n'ibikorwa by'ubucuruzi
Umujyi wa Muhanga ugomba gushorwamo imari no gukorerwamo imishinga ibyara inyungu
Muhanga ikorewemo ubucuruzi bukomeye byagabanya ingendo zakorwaga n'abava mu Majyepfo n'Uburengerazuba bajyaga mu mujyi wa Kigali

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 26 September 2016
Copyright © 2009 -2014 - IGIHE Ltd - All Rights Reserved