Kwamamaza

Uganda: Uturere 45 turatabarizwa kubera inzara inuma

Yanditswe kuya 5-11-2016 saa 16:36' na Jean Pierre Tuyisenge


Umunyamabanga wa Leta muri Minisitiri y’Ubuhinzi n’ubworozi ya Uganda, Christopher Kibazanga, yatabarije abagande barenga miliyoni bari mu turere 45 tw’igihugu bibasiwe n’inzara kubera umusaruro wabaye muke.

Kugeza ubu nkuko Christopher yabitangaje, ngo Abagande bagera kuri miliyoni 1.3 bakeneye inkunga yihuse y’ibiribwa nk’uko Daily Monitor yabitangaje.

Minisitiri Kibazanga yavuze ko uduce twa Karamoja, Teso, Lango, Acholi, Bukedi, Nile y’Uburengerazuba , Nakasongala, Isingiro, Luweero, Apac n’uduce twa Busoga ari two twibasiwe cyane.

Ati “ Hari ubwoba ko abantu n’imiryango baramutse badafashe neza ibiribwa bafite ikibazo cyarushaho kuba kibi ndetse amezi ari imbere akaba mabi cyane.”

Ikibazo cy’izuba ryinshi cyibasiye Uganda bagishingira ku mpamvu zitandukanye zirimo izo gutema amashyamba, kuyatwika no gutwika ibisigazwa by’ibikoresho bitandukanye byatumye habaho ihindagurika ry’ibihe.

Ibi ngo byatumye umusaruro uba muke mu gihembwe cy’ihinga cyo mu kwezi kwa Werurwe na Gicurasi, n’ukwezi kwa Nzeri n’Ukubuza biteganyijwe ko gishobora kuba kibi, ndetse n’ubwatsi bukaba bwarabuze mu matungo.

Kibaganza avuga ko 65% by’abatuye Karamoja, Katakwi, Amuria, Kumi, Bukedea barya rimwe cyangwa bakabibura.

Kibaganza yagiriye inama abaturage kwirinda kujya bagurisha umusaruro wabo, bakajya batera hakiri kare.

Ikibazo cy’inzara yatewe n’izuba rikabije si muri Uganda cyumvikanye gusa kuko mu minsi yashize mu Rwanda hagaragaye uturere two mu Ntara y’Uburasirazuba twahuye n’iki kibazo.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved