Kwamamaza

Ubuvumvu bwitaweho bwateza imbere umugabane wa Afurika

Yanditswe kuya 26-09-2016 saa 19:06' na IGIHE


Kuba umugabane wa Afurika ukungahaye ku mashyamba, ufite ibihingwa byinshi, inzuki zishobora kuvomamo ibizitunga,ni amahirwe ku bavumvu babigize umwuga mu kongera umusaruro w’ubuki n’ibiwukomokaho.

Ibi ni ibyagarutsweho mu mirongo migari y’imurikagurisha Mpuzamahanga rya gatanu ry’ubuki Nyafurika (ApiExpo Africa 2016) ryaberaga mu Rwanda kuva ku itariki ya 21 Nzeri uyu mwaka. Ryahuriranye n’inama ya gatatu yaguye yiga ku buvumvu muri Afurika yateguwe n’Ishami ry’Umuryango wa Afurika Yunze Ubumwe rishinzwe kwita ku buhinzi n’ubworozi.

Iri murikagurisha ryaberaga i Kigali, ryitabiriwe n’abamurikaga ibikorwa byabo bishingiye ku buvumvu 63 bavuye mu bihugu 18 birimo ibyo muri Afurika,i Burayi, Aziya na Amerika.

Naho ku rundi ruhande, hakaba hari abashakashatsi, abashoramari n’abavumvu babigize umwuga b’abanyamahanga bagera kuri 350 bose bahagurukijwe no kurebera hamwe icyateza imbere uyu mwuga, hongerwa ubwiza n’umusaruro by’ubuki.

Umunyamabanga Uhoraho muri Minisiteri y’Ubuhinzi n’Ubworozi, Kayisinga Jean Claude, mu muhango wo gusoza iri murikagurisha yavuze ko iyi nama yabaye umwanya mwiza wo guhwitura abakoraga umwuga w’ubuvumvu bajenjetse.

Yagize ati “Ubuvumvu bufite amateka akungahaye atuma bugira ubushobozi bwo guteza imbere ababukora. Abavumvu ku isi yose bafite amahirwe yo kubyaza umusaruro inzuki zikabaha inyungu nini kugeza ubu itaraboneka.”

Kayisinga yakomeje asaba abitabiriye inama gukomeza kugirana ubufatanye bashimangira cyane cyane ikoranabuhanga n’ubunyamwuga bishobora guteza imbere abavumvu. Iri murikagurisha n’iyi nama byabaye umwanya mwiza wo gusangira ubumenyi ndetse no kurushaho gushimangira ubufatanye bwazamura Afurika muri uyu mwuga w’ubuvumvu. Ntituzigere dutegereza ko iterambere ry’ubuvumvu rizava ahandi. Imbogamizi duhura na zo nitwe dufite ibisubizo byabyo.”

Ihuriro ry’amakoperative y’abavumvu ryitwa ‘Ubwiza bwa Nyungwe’ ryahize abandi mu kumurika ubuki bwiza, Ethiopia iba iya kabiri, abavumvu ba Uganda baba aba gatatu.

Abitabiriye iyi nama kandi bagize umwanya wo gusura abavumvu b’ikigo cyitwa ‘The Hive Africa’ gikorera ubuvumvu ku musozi wa Rebero mu Karere ka Kicukiro, aho bigiye uko ikoranabuhanga ryateza imbere umusaruro w’ubuki mu bwiza no mu bwinshi.

Uru rugendoshuri rwakozwe nyuma yo kwitabira umuganda rusange wabaye kuwa Gatandatu, tariki ya 24 Nzeri, aba bashyitsi bakoranye n’abaturage b’Umurenge wa Nyamirambo wabereye hafi na Stade ya Kigali i Nyamirambo ndetse banasura urwibutso rwa Jenoside rwa Kigali ruri ku Gisozi aho bunamiye abatutsi bishwe mu 1994.

Irindi murikagurisha ry’ubuki Nyafurika rizabera muri Nigeria mu mwaka wa 2018.

Abavumvu mu gikorwa cyo guhakura ubuki
Ubuki bwamaze gutunganywa
Abitabiriye imurikagurisha Mpuzamahanga rya gatanu ry’ubuki Nyafurika mu ifoto rusange

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved