Kwamamaza

Ubushinjacyaha bwahagaritse gukurikirana Dr Rose Mukankomeje (Yavuguruwe)

Yanditswe kuya 29-09-2016 saa 12:53' na Emma-Marie Umurerwa


Ubushinjacyaha bw’u Rwanda bwemeje ko butagikurikirana Dr Rose Mukankomeje waburanaga ku byaha birimo ubufatanyacyaha mu kumena ibanga ry’akazi.

Kuri uyu wa Gatatu tariki ya 28 Nzeri, Urukiko rw’Ibanze rwa Kagarama rwatangaje ko ruhagaritse gukurikirana Dr Rose Mukankomeje wahoze ari Umuyobozi wa REMA.

Mu kiganiro yagiranye na IGIHE, Umuvugizi w’Ubushinjacyaha mu Rwanda, Faustin Nkusi, yavuze ko amategeko yemerera ubushinjacyaha gukurikirana cyangwa kureka gukomeza gukurikirana uregwa.

Yagize “Twaretse gukomeza kumukurikirana dushingiye ku mategeko. Iyo dusanze bitakiri ngombwa tureka gukomeza gukurikirana umuntu twakurikiranaga.”

Abajijwe niba Dr Mukankomeje abaye umwere ku byaha yashinjwaga, Nkusi yasubije agira ati “ Umuntu agirwa umwere n’urukiko agakurikiranwa n’ubushinjacaha kandi ubushinjacyaha bufite ububasha bwo gukurikirana cyangwa kudakurikirana. Iyo busanze bitakiri ngombwa bushobora kubireka amategeko arabitwemerera. Twebwe kumukurikirana biba birangiye. […] Ubushinjacyaha bwasanze atari ngombwa ko akomeza gukurikiranwa,urukiko rurabisuzuma rurabyemera.”

Ibihe by’ingenzi bya Mukankomeje imbere y’ubutabera

Tariki ya 21 Werurwe 2016 nibwo hamenyekanye amakuru y’itabwa muri yombi rya Dr Rose Mukankomeje wari Umuyobozi wa REMA akurikiranyweho ibyaha bishingiye ku kiganiro yagiranye kuri telefoni na Bisamaza Prudence wakorwagaho iperereza ku byaha bya ruswa no gushaka gufunguza abayobozi b’Akarere ka Rutsiro.

Ubushinjacyaha bwamureze ibyaha bitatu birimo ubufatanyacyaha mu kumena ibanga ry’akazi, kuba gatozi mu gusibanganya ibimenyetso no kuba gatozi mu gusebya inzego za leta.

Kuwa 30 Werurwe nibwo yatangiye kuburana ku ifungwa n’ifungurwa ry’agateganyo Urukiko Rwisumbuye rwa Nyarugenge rutegeka ko afungwa iminsi 30 ariko ahita ajuririra iki cyemezo mu Rukiko Rukuru.

Umwanzuro ku bujurire bwe wasomwe kuya 14 Mata 2016 hanzurwa ko arekurwa akazajya yitaba ubushinjacyaha ku rwego rwa Nyarugenge buri wa Gatanu w’icyumweru mu gihe cy’amezi atatu.

Yahise ategekwa gushyikiriza ubushinjacyaha ibyangombwa byo kujya mu mahanga kugeza urubanza ruciwe bwa nyuma.

Yategetswe kandi kutarenga Umujyi wa Kigali adahawe uburenganzira; kuguma mu nzu ye iri mu mu Murenge wa Kagarama mu Karere ka Kicukiro, yashaka kwimuka akabimenyesha urwego urubanza rwe ruzaba rugezeho.

Ikindi yategetswe harimo gukoresha telefoni asanganywe, mu gihe cy’amezi atatu ndetse akirinda ibintu byose byabangamira idosiye ye.

Dr. Mukankomeje n'Umwunganizi we Mudahemuka Tharcisse bwa mbere ubwo yitabaga urukiko

Inkuru bifitanye isano

- Dr Rose Mukankomeje uyobora REMA yatawe muri yombi

- Dr Rose Mukankomeje yahakanye ibyaha byose aregwa

- Urukiko rwategetse ko Dr Rose Mukankomeje afungwa iminsi 30 y’agateganyo

- Humviswe ubujurire bwa Dr.Mukankomeje ku ifungwa ry’agateganyo

- Urukiko Rukuru rwategetse ko Dr. Rose Mukankomeje arekurwa


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved