Kwamamaza

Ubukene buranuma muri EAC, bimwe mu bikorwa bishobora guhagarara

Yanditswe kuya 24-11-2016 saa 11:36' na Cyprien Niyomwungeri


Bimwe mu bikorwa by’Inteko Ishinga Amategeko y’Umuryango wa Afurika y’Iburasirazuba (EALA) n’izindi nzego zawo, bishobora kudindira bitewe n’ubukene bukabije muri uwo muryango bukomoka ku kudatanga imisanzu kw’ibihugu biwugize.

Nkuko The Citizen ibitangaza, kuwa Mbere w’iki cyumweru inteko rusange ya EALA yateraniye muri Kenya, yasanze iki kibazo cy’ubukungu giterwa ahanini no kuba ibihugu binyamuryango bitaratanze imisanzu byagombaga gutanga, bituma ingengo y’imari yagombaga gukoreshwa igabanuka cyane.

Perezida wa EALA, Daniel Kidega yabisobanuye agira ati “Ndabizi muri rusange ko hari igitutu mu bukungu bwacu, ikibisobanura ni uko ibihugu binyamuryango byemeye gutanga inkunga ingana muri gahunda zo kwishyira hamwe, icyakora ibyo byiyemeje ntibyakorewe ku gihe bituma bigira ingaruka kuri iyo gahunda.”

Yatangaje ko muri uyu mwaka w’ingengo y’imari 2016/2017, kugeza ubu Kenya imaze kwishyura 28% bya miliyoni 854.5 z’amashilingi ya Kenya buri gihugu kigomba gutanga mu bunyamabanga bwa EAC. U Rwanda rumaze gutanga 23.8% , Tanzania yatanze 6.6% mu gihe u Burundi ntacyo buratanga.

Uganda niyo imaze gutanga menshi agera kuri 88.9% by’ayagambaga gutangwa, ni ukuvuga ko imaze gutanga miliyoni 760.3 z’amashilingi ya Kenya.

Kidega yavuze Eala yagombye gusubika bimwe mu bikorwa byayo byari biteganyijwe muri Nzeri n’Ukwakira bitewe n’ikibazo cy’ubukungu.

Yakomeje avuga ko komisiyo zigeze kuri eshanu za Eala zirimo iyo kurwanya Jenoside n’ihakana n’ipfobya ryayo zose zagizweho ingaruka zikomeye n’icyo kibazo cy’ubukungu ndetse imishahara no kwishyura abagemurira EAC ibintu bitandukanye nabyo birakererwa.

Yagize ati “Ndahamagarira ibihugu binyamuryango gutanga imisanzu yabyo yose nibura mu Ukuboza 2016 nkuko byabyemeye mu nama y’Abaminisitiri.”

Eala inaheruka gutora umwanzuro usaba abakuru b’ibihugu bya EAC gutegeka inama y’abaminisitiri ikihutisha ishyirwa mu bikorwa ry’uburyo burambye bwo gutera inkunga ibikorwa by’umuryango.

Leta Zunze Ubumwe za Amerika ziheruka kwemera gutanga miliyoni 194 z’amadolari zo gufasha imishinga no kwihuza kw’ibihugu bigize EAC.

Ikinyamakuru The Citizen kivuga ko cyamenye ko iriya nkunga itabarirwa mu ngengo y’imari ya EAC muri 2016/2017 ingana na miliyoni 101.4 z’amadolari. Muri iyo ngengo y’imari inkunga zikaba zaragabanutse zikagera kuri miliyoni 46.7 z’amadolari zivuye kuri 58.6 mu mwaka w’ingengo y’imari wabanje.

Ubunyamabanga bwa EAC buherutse kugaragaza uburyo bushya bwo gutera inkunga ibikorwa by’umuryango bwerekana ko buri gihugu cyajya gitanga 1% by’imisoro y’ibyinjira muri buri gihugu kinyamuryango.

Ubu buryo ariko bwamaganiwe kure na Kenya ndetse na Tanzania, bimwe mu bihugu bibona imisoro myinshi iturutse ku byinjira mu gihugu.

Daniel Kidega, Perezida wa EALA

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved