Ubuke bw’inzobere mu mategeko, kimwe mu bibangamiye imyigishirize y’amategeko mu Rwanda

Yanditswe na Habimana James
Kuya 24 Gicurasi 2019 saa 03:11
Yasuwe :
0 0

Ubuyobozi bwa Kaminuza y’u Rwanda Ishami ry’Amategeko bwagaragaje ko u Rwanda rutaragira amikoro ahagije kugira ngo habe hakorwa ubushakashatsi bwimbitse mu bijyanye n’amategeko.

Kuva kuri uyu wa 22 kugeza kuwa 24 Gicurasi, i Kigali hateraniye inama yahuje abanyamuryango b’ishyirahamwe ry’amashuri yigisha amategeko muri Afurika.

Iyi nama yanitabiriwe n’umuyobozi w’ishami ry’amategeko muri Kaminuza ya Harvard muri Leta Zunze Ubumwe za Amerika.

Mu kiganiro yahaye IGIHE, Umuyobozi w’Ishuri ry’Amategeko muri Kaminuza y’u Rwanda Dr Bikesha Denis yavuze ko nubwo amategeko mu Rwanda yamaze gutera imbere, u Rwanda rutaragira amikoro ahagije kugira ngo habe hakorwa ubushakashatsi bwimbitse mu bijyanye n’amategeko.

Yagize ati “Ntabwo washyira ibintu hanze utakoze ubushakashatsi kandi burya abarimu iyo bashyize hanze ibitabo, niwo mwuga wabo kandi ni naho bazamukira mu ntera, kugeza ubu rero ntabwo turabona uburyo bwo kubikora.”

Yakomeje agira ati “Indi mbogamizi duhura nayo ni uko tudafite abanyamategeko mu rwego ruhanitse bahagije mu buryo bwo kwigisha amategeko, ahandi muri Kaminuza zigisha amategeko usanga abantu baraminuje mu by’amategeko ariko nk’ubu abo dufite bafite impamyabumenyi y’ikirenga (Phd) si benshi”.

Muri Kaminuza y’u Rwanda, mu barium 25 bigisha mu ishami ry’amategeko abafite impabumenyi y’ikirenga (Phd) ni icyenda.

Dr. Bikesha yavuze ko ikindi kibazo bahura nacyo ari icy’abanyeshuri bimenyereza umwuga ariko aho kuboheza ngo bimenyereze ugasanga hadahagije mu gihugu.

Yagize ati “Ibigo abanyeshuri bacu bimenyerezamo ntabwo usanga ari ibigo bihagije kuko usanga bajya mu Nkiko ariko bajya mu gukorana n’abavoka bikaba ikibazo. Umwuga w’abavoka nturatera imbere kuko urababwira uti nzakoherereza abanyeshuri batanu cyangwa batandatu, nabo bakatubwira bati ntabwo dufite aho tubashyira, ngo dufite umwanya mutoya.”

Gusa uyu muyobozi yavuze ko amahirwe ahari ai uko bigenda bihinduka cyane ko na Kaminuza y’u Rwanda kubera ko ishaka guteza imbere ubushakashatsi, ubu ifite imigambi myiza yo gukemura ibi bibazo.

Kaminuza y’u Rwanda ivuga ko muri uyu mwaka w’amashuri yakiriye abanyeshuri 130 barimo kwiga amategeko.

Icyicaro cy'Ishami rya Kaminuza y'u Rwanda i Huye ahabarizwa ishuri ry'amategeko

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza