Kwamamaza

RBC yatabarije abafite indwara zo mutwe ku munsi wabahariwe

Yanditswe kuya 11-10-2016 saa 13:46' na Jean Pierre Tuyisenge


U Rwanda rwifatanyije n’Isi kwizihiza Umunsi Mpuzamahanga wahariwe kwita ku buzima bwo mu mutwe, ku wa Mbere tariki ya 10 Ukwakira 2016, hibandwa ku gutanga ubufasha bw’ibanze ku bahuye n’ibi bibazo.

Dr. Yvonne Kayiteshonga, Umuyobozi w’Ishami rishinzwe indwara zo mu mutwe mu kigo cy’Igihugu gishinzwe Ubuzima RBC, yavuze ko uyu munsi wari ufite intego yo guhamagarira buri wese kwirinda ivangura, itoteza n’ibindi bikorwa byose byahungabanya abafite indawara zo mu mutwe.

Yasabye buri wese gutanga ubufasha bw’ibanze kuri abo bantu. Yagize ati “ Si ngombwa ko uba uri umuhanga udasanzwe kugira ngo uhe ubufasha bw’ibanze umuntu wahuye n’ikibazo. Buri wese yabikora, ushobora yewe no kumugira inama yo kubaha muganga cyangwa gufata imiti yahawe.”

Yavuze ko hari ibikorwa byinshi byakozwe hategurwa uyu munsi birimo gutanga udutabo tw’imfashanyigisho, ibiganiro ku maradio no gusobanurira abantu iby’izi ndwara mu nama zitandukanye.

Nkuko bisanzwe ku wa 10 Ukwakira buri mwaka, Isi yose yizihiza Umunsi Mpuzamahanga wahariwe ubuzima bwo mu mutwe. RBC ivuga ko kuri uyu munsi abantu bigishwa bakanasobanurirwa byimazeyo ib’izi ndwara. Insanganyamatsiko y’uyu mwaka igira iti “Twite ku buzima bwo mu mutwe dutanga ubutabazi bw’ibanze”.

Mu Rwanda hari abaganga barindwi b’inzobere mu kuvura indwara zo mu mutwe n’abandi basanzwe bagera kuri 500.

Umunsi Mpuzamahanga wahariwe kuzirikana ubuzima bwo mu mutwe washyizweho n’Ihuriro Mpuzamahanga ry’abaganga b’indwara zo mu mutwe mu mwaka wa 1992, rifite abanyamuryango bagera mu bihugu 150 ku Isi.

Dr.Yvonne Kayiteshonga Umuyobozi w’Ishami rishinzwe indwara zo mu mutwe mu kigo cy’Igihugu gishinzwe Ubuzima RBC

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved