Kwamamaza

U Rwanda rwihanganishije Tanzania yashegeshwe n’umutingito

Yanditswe kuya 12-09-2016 saa 10:50' na Cyprien Niyomwungeri


Guverinoma y’u Rwanda yagaragaje akababaro yatewe n’urupfu rw’abantu 16 bamaze kumenyekana ko baguye mu mutingito wo ku gipimo cya 5.7 wibasiye Akarere ka Bukoba muri Tanzania ku gicamunsi cyo kuwa Gatandatu tariki 10 Nzeli uyu mwaka.

Muri icyo gihugu, uwo mutingito wakomerekeje abarenga 250 unasenya inzu zigera kuri 800.

Abinyujije ku rukuta rwe rwa Twitter, Minisitiri w’Ububanyi n’Amahanga w’u Rwanda, Louise Mushikiwabo, yafashe mu mugongo Abanyatanzania asabira abakomeretse gukira vuba.

Yagize ati “Bavandimwe bo muri Tanzania, mwihangane cyane kubera abatakaje ubuzima ku bw’umutingito, turifuriza abakomeretse gukira vuba.”

Ikigo cy’Abanyamerika gishinzwe ubumenyi bw’Isi (USGS) cyatangaje ko uwo mutingito wahereye mu Majyaruguru ya Tanzania, mu birometero 23 uturutse mu Mujyi wa Nsunga ho mu Karere ka Bukoba, aho hakaba ari hafi y’umupaka w’icyo gihugu na Uganda, hakaba mu nkengero z’ikiyaga cya Victoria.

Mu Rwanda na Uganda uwo mutingito warahumvikanye, icyakora mu Rwanda ntawe wahitanye cyangwa ngo akomereke nubwo wahasenye inzu eshatu uri ku gipimo cya 3.8.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 11 Ukuboza 2016
Copyright © 2009 -2014 - IGIHE Ltd - All Rights Reserved