Kwamamaza

U Rwanda rwazamutse imyanya itandatu ku Isi mu koroshya ubucuruzi

Yanditswe kuya 25-10-2016 saa 09:59' na Rabbi Malo Umucunguzi


U Rwanda rwagumye ku mwanya wa kabiri muri Afurika mu koroshya ubucuruzi, ariko ku rwego rw’Isi ruva ku mwanya wa 62 rwariho muri raporo iheruka ya 2016, rugera kuwa 56 ku rwego rw’Isi muri raporo y’umwaka wa 2017.

Muri ‘Doing Business Report’ yakozwe na Banki y’Isi ku mwaka wa 2017 ikareba ku bihugu 190, u Rwanda rwazamutse imyaka irindwi, ariko muri Afurika ruracyagwa mu ntege Mauritius iza ku mwanya wa Mbere no kuwa 49 ku Isi.

Ikigo cy’Igihugu cy’Iterambere, RDB kivuga ko u Rwanda rwabashije gutera intambwe mu mavugurura yagiye akorwa ku gukorera mu mucyo, kuzuza inshingano n’uburyo bwihariye buganisha ishoramari mu cyerekezo kugira ngo ribone inyungu ifatika.

Umuyobozi wa RDB, Francis Gatare, yavuze ko kuva mu myaka ishize u Rwanda rwashyize imbaraga nyinshi mu guteza imbere urwego rwa serivisi no kongera amahirwe mu ishoramari hagamijwe izamuka rirambye ry’ubukungu, ari naho u Rwanda rwakuye kuva ku mwanya wa 62 rukagera kuwa 56 ku rwego rw’Isi.

Ati “Dukomeje no kubyaza umusaruro uruhare rw’abikorera mu kwihutisha iterambere ry’ubukungu kugira ngo igihugu kirusheho korohera no kunogera abakora ubucuruzi. Gusa ntabwo twari kugera kuri ibi byose tudafatanyije n’izindi nzego, zagejeje igihugu ku mpinduka mu mibereho myiza n’ibijyanye n’imari, tukazanarenga imipaka ku buryo izamuka ry’ubukungu bw’akarere rizashingira ku iterambere rirambye ry’u Rwanda, bikagira Afurika umugabane ubereye ishoramari muri rusange.’’

Iyi raporo ya Banki y’Isi ivuga ko u Rwanda rugeze kuri uyu mwanya nyuma y’iterambere ry’inzego zirimo gutangira ubucuruzi, aho u Rwanda rwashyize ibijyanye no kwandikisha ubucuruzi mu ikoranabuhanga kimwe n’ibijyanye no kumenyekanisha umusoro ku nyongeragaciro.

Mu kwandikisha imitungo, u Rwanda naho rwashyizeho iminsi ntarengwa izo serivisi zigomba kuba zatanzwe, hanongerwa ugukorera mu mucyo mu micungire y’ubutaka.

Mu bucuruzi bwambukiranya imipaka, u Rwanda rwakuyeho igenzurwa ry’ibicuruza mbere y’uko bizanwa mu gihugu, ryari risanzwe ari itegeko. Mu gukurikirana iyubahirizwa ry’amasezerano, u Rwanda rwashyizeho uburyo bwo gukurikirana aho ikirego kigeze hifashishijwe ikoranabuhanga.

Iyi raporo ya 2017 yanagarutse ku bijyanye n’uburinganire, aho ibipimo bireba ku burenganzira bungama mu kwandikisha, kugira ubucuruzi cyangwa uburenganzira babufiteho, basanze byubahirizwa ku bagabo n’abagore, hatirengagijwe ko mu nzego zifata ibyemezo abagore bagenerwamo 30%.

Ibihugu bya Afurika birangajwe imbere na Mauritius ya 49 ku Isi nubwo yasubiye inyuma ho imyanya 17, u Rwanda rukomeza kuba urwa kabiri muri Afurika n’urwa 56 ku Isi, Botswana ni iya gatatu n’iya 72 ku Isi ndetse yazamutseho umwanya umwe, Afurika y’Epfo ni iya kane muri Afurika n’iya 73, Maroc ikaba iya gatanu muri Afurika n’iya 75 ku Isi, aho yasubiye inyuma imyaka irindwi.

Umuyobozi wa RDB, Francis Gatare

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved