Kwamamaza

U Rwanda rwatorewe kuba mu Kanama ka Loni gashinzwe kubahiriza uburenganzira bwa muntu

Yanditswe kuya 31-10-2016 saa 07:35' na Ntakirutimana Deus


U Rwanda ni kimwe mu bihugu 14 byatorewe kujya mu kanama ka Loni gashinzwe kubahiriza uburenganzira bwa muntu hamwe na Leta Zunze Ubumwe za Amerika, u Bwongereza n’ibindi.

Rwabonye uyu mwanya mu matora yabereye i New York muri Leta Zunze Ubumwe za Amerika, ku wa Gatanu tariki ya 28 Ukwakira 2016.

Ibindi bihugu byatowe birimo Leta Zunze Ubumwe za Amerika, Misiri, u Buyapani, u Bushinwa, Afurika y’Epfo, u Bwongereza, Brésil, Croatie, Hongrie, Irak, Tunisie, Cuba na Arabie Saoudite.

Umunyamabanga wa Leta Zunze Ubumwe za Amerika ushinzwe Ububanyi n’Amahanga, John Kerry, yasabye ibyo bihugu byatowe gukomeza guharanira kwimakaza amahame y’uburenganzira bwa muntu ku Isi no gufasha ako kanama kuzuza inshingano zako.

Leta ya Israël yagumye muri ako kanama kuko ari igihugu rukumbi gifite umwanya uhoraho muri ako kanama, nk’igihugu gihora gitotezwa n’ibihugu by’Abarabu.

Loni yanze kandidatire y’u Burusiya muri ayo matora kubera uruhare bushinjwa n’imiryango irengera uburenganzira bwa muntu, mu ntambara ikomeje kubera muri Syria.

U Burusiya , Croatie na Hongrie byahataniraga ibiri imyanya igenewe ibihugu by’u Burayi bw’i Burasirazuba. Bwagize amajwi 112, burushwa na Croatie yagize 114 ndetse na Hongrie yagize 144 .

U Burusiya bwamaganiwe kure

Imiryango idashamikiye kuri leta yari yasabye mbere yaho ko u Burusiya butakongera gutorwa kubera uruhare bukomeje gushinjwa rwo gufasha Perezida wa Syria, Bachar al-Assad, ushinjwa kwica abasivili.

Iyo miryango kandi yari yanasabye ko na Arabie Saoudite nayo itatorwa kubera uruhare igira mu bitero bigabwa kuri Yemen, nyamara yabashije gutsinda n’amajwi 152.

Icyicaro cya Loni i New York

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved