00:00:00 IGIHE NETWORK KN KINYARWANDA EN ENGLISH FR FRANCAIS

U Rwanda rwatanze icyizere ku isubukurwa rya CHOGM

Yanditswe na Kanamugire Emmanuel
Kuya 15 Ugushyingo 2021 saa 01:52
Yasuwe :
0 0

Minisiteri y’Ububanyi n’Amahanga yatanze icyizere ko inama ihuza ibihugu bikoresha Icyongereza (CHOGM) izabera mu Rwanda mu mwaka utaha kuko icyorezo cya Covid-19 cyatumye isubikwa inshuro ebyiri kimaze kugabanya ubukana.

Inama ya CHOGM yari iteganyijwe kubera mu Rwanda ku itariki 22–27 Kamena 2020 ariko iza gusubikwa ku mpamvu z’icyorezo cya COVID-19, cyahagaritse inama n’ibindi bikorwa bikomeye. Hari hafashwe icyemezo cy’uko yimurirwa muri Kamena 2021 ariko na bwo irasubikwa kubera ko iki cyorezo cyari cyakajije umurego.

Mu kiganiro n’abanyamakuru kuri uyu wa Mbere, Minisitiri w’Ububanyi n’Amahanga, Dr Vincent Biruta, yavuze ko ibiganiro byo gusubukura iyi nama bikomeje hagati y’u Rwanda n’ibihugu biri muri Commonwealth.

Ati “Ubu twatangiye kuganira n’ibihugu byose bigize uyu muryango kugira ngo twumvikane ku matariki mashya; dutekereza ko izaba umwaka utaka kubera ko uko tubibona, uko Covid-19 yifashe n’uko inkingo zigenda ziboneka, icyatuma yongera gusubikwa kirimo kiragenda kigabanya ubukana.”

Umwanzuro wo gusubika CHOGM wafashwe hagendewe ku miterere y’icyorezo cya Covid-19 ku Isi mu gihe u Rwanda rwari rugeze kure imyiteguro yayo.

Minisitiri w'Ububanyi n'Amahanga, Dr Vincent Biruta, yatanze icyizere ko Inama ya CHOGM izaba umwaka utaha

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .