U Rwanda rwasabye ko Col Sofuni wafatiwe muri Congo yoherezwa

Yanditswe na Philbert Girinema
Kuya 30 Ukwakira 2016 saa 12:05
Yasuwe :
0 0

Repubulika Iharanira Demokarasi ya Congo iheruka gutangaza ifatwa rya Col Habyarimana Mucebo Sofuni wari ushinzwe ubutasi mu mutwe wa FDLR ukorera mu Burasirazuba bwa Repubulika Iharanira Demokarasi ya Congo (RDC).

Ifatwa rye riragereranywa n’ubushake bushya bwa RDC mu kunoza umubano n’u Rwanda nyuma y’uruzinduko Perezida Joseph Kabila yagiriye mu Rwanda, yizeza umusaruro ufatika w’ibitero bigamije gutsinsura imitwe yitwaje intwaro irimo FDLR imaze yo imyaka isaga 20.

Col Habyarimana ni umwe muri benshi bagize FDLR bashinjwa uruhare muri Jenoside yakorewe Abatutsi mu 1994, akaba afungiwe mu Mujyi wa Goma ategereje ikizakurikira, nyuma yo gufatirwa muri Rutshuru ku cyumweru gishize.

Ikinyamakuru The East African kivuga ko u Rwanda rwasabye ko yoherezwa akaba ariho aburanira, aho Minisitiri w’Ubutabera akaba n’Intumwa Nkuru ya Leta, Johnston Busingye, yavuze ko “ari ikintu cy’ingenzi” RDC yakoze.

Umuvugizi w’Ingabo za RDC mu Burasirazuba, Capt. Guillaume Ndjike, yatangaje ko ubu Col Sofuni ari guhatwa ibibazo n’inzego zibishinzwe.

Ifatwa rya Col Sofuni kuwa 23 Ukwakira i Kiwanja mu Karere ka Rutshuru, rikurikira irya Major Sabimana Iraguha, alias Mugisha Vainqueur, nawe wafatiwe muri Rutshuru muri Kanama uyu mwaka.

Umwe mu barwanyi ba FDLR

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza