Kwamamaza

U Rwanda rwiyemeje gukuba kabiri umusaruro w’ubuki

Yanditswe kuya 22-09-2016 saa 10:07' na Niyonsenga Schadrack


Minisiteri y’Ubuhinzi n’Ubworozi mu Rwanda iratangaza ko haboneka umusaruro w’ubuki ungana na toni ibihumbi bine ku mwaka, ariko hagiye gukoreshwa imbaraga zishoboka zose ku buryo uyu musaruro uzaba wikubye kabiri mu mwaka wa 2020.

Ibi Dr Mukeshimana Gerardine, Minisitiri w’Ubuhinzi n’Ubworozi, yabitangaje ubwo yatangizaga ku mugaragaro imurikagurisha Nyafurika ku buki (ApiExpoAfrica 2016), riri kubera i Kigali kuva ku wa 21 kugeza 26 Nzeri 2016.

Dr Mukeshimana yatangaje ko u Rwanda rwifuza ko abavumvu bavugurura uburyo bw’imikorere muri uyu mwuga wabo ndetse hanahangwa imirimo mishya muri iki gice hagamijwe kureshya abashoramari.

Yagize ati "Ubu buki buturuka mu mashyirahamwe mato agera kuri 83 akoresha imitiba ya gakondo n’iya kijyambere. Turashaka kureshya abashoramari benshi mu bworozi bw’inzuki, kongera umusaruro mu guhindura umusaruro w’ubuki dufite hakoreshejwe ikoranabuhanga ndetse no kuwugeza ku isoko. Turashaka kugira uyu mwuga uwa kijyambere, tugahanga imirimo mishya ndetse tunateza imbere icyaro. “

Intego nyamukuru y’iri murikagurisha ni ukurebera hamwe uburyo bwiza bwakoreshwa mu korora inzuki mu rwego rwo kwiyungura ubumenyi mu guteza imbere ubucuruzi bw’ubuki no kuzamura ubwiza bwabwo .

Dr Mukeshimana yakomeje agira ati "Ntidufite indabo nyinshi zabyara ubuki buhagije, imiti yica udukoko duto iterwa mu mirima na yo hari ubwo yica n’inzuki, Bizanadusaba kumenya indwara zifata inzuki zacu, ibibazo byose biri muri uyu mwuga ni byo iyi nama iri bwigeho.”

Insanganya matsiko y’iri murikagurisha igira iti “Guhindura ubukungu bw’umuryango Nyafurika: Akamaro k’ubworozi bw’inzuki”

Iri murikagurisha ryitabiriwe n’aborozi ndetse n’abandi bakora ibikorwa by’ubworozi bw’inzuki baturutse mu bihugu bitandukanye nka Nigeriya, Zimbabwe, Uganda, u Buhinde, Etiopiya, Kenya, Turikiya, u Rwanda, Singapore, n’ibindi bitandukanye.

Dr Mukeshimana avuga ko abavumvu bo mu Rwanda bakwiye guhindura imikorere

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved