00:00:00 IGIHE NETWORK KN KINYARWANDA EN ENGLISH FR FRANCAIS

U Rwanda rukeneye miliyari 3$ azafasha urwego rw’ubuhinzi guhangana n’iyangirika ry’ikirere

Yanditswe na Ndahayo Emmanuel
Kuya 20 Ugushyingo 2021 saa 09:32
Yasuwe :
0 0

Minisiteri y’Ibidukikije mu Rwanda yatangaje ko hakenewe miliyari 3$ kugira ngo u Rwanda rubashe gushyira mu bikorwa intego rwihaye yo kugabanya umwuka wangiza ikirere rwoherezayo, ndetse no guhangana n’ingaruka icyo kibazo kigira ku rwego rw’ubuhinzi rufatiye runini ubukungu bw’igihugu.

Aya mafaranga ari mu mugambi mugari wa Leta ikeneye nibura miliyari 11$ mu rwego rwo kugera ku ntego yihaye yo kugabanya 38% by’umwuka wangiza ikirere rwoherezayo bitarenze mu 2030, akazaboneka biturutse mu ishoramari rizashyirwa mu mishinga ijyanye no kurengera ibidukikije, inkunga n’ibindi bikorwa bitandukanye.

Umwotsi uturuka mu modoka ugize igice kinini cy’umwuka wangiza ikirere u Rwanda rwoherezayo, ndetse nta gihindutse, uyu mwuka uzagera kuri toni miliyoni 3,1 mu 2030 uvuye kuri ibihumbi 530 mu 2012. Ni yo mpamvu hakenewe miliyari 4.5$ mu kubaka ubwikorezi bugira ingaruka nke mu kwangiza ikirere.

Miliyoni 504$ azashorwa mu bikorwa bigamije kuvugurura imyanda ku buryo myinshi ishobora kongera gukoreshwa, mu gihe miliyoni 440$ azakoreshwa mu bijyanye no kongera ubuziranenge bw’amazi ndetse no guteza imbere isuku, nk’uko The New Times yabitangaje.

Mu bijyanye n’ubuhinzi, u Rwanda rurateganya kuzubaka ibikorwaremezo byo kuhira, bizagira uruhare mu gutuma abahinzi barushaho guhangana n’ihindagurika ry’ikirere riterwa n’igabanuka rikomeye ry’imvura.

Ku rundi ruhande, hakenewe miliyari 1,3$ azakoreshwa mu kugabanya ingano y’amakara akoreshwa, ikava kuri 83% ikagera kuri 42%.

Ibi bizatuma intego ya Leta yo kugumisha ubuso buteyeho amashyamba hejuru ya 30%, kuko bitagenze gutyo, byarangira n’ubundi ayo mashyamba yatewe yangijwe, dore ko buri cyumweru, hegitari 380 z’amashyamba zitemwa mu rwego rwo gushaka amakara.

Urwego rw'ubuhinzi rukeneye miliyari 3$ azarufasha guhangana n'ingaruka z'iyangirika ry'ikirere

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .