U Rwanda na Uganda mu gikorwa cyo kugaragaza neza umupaka ubahuza

Yanditswe na Uwishyaka Jean Louis
Kuya 17 Ugushyingo 2016 saa 01:51
Yasuwe :
0 0

Komisiyo ihuriweho n’u Rwanda na Uganda iri mu gikorwa cyo kugaragaza aho umupaka utandukanya ibihugu byombi uherereye, mu rwego rwo kwirinda amakimbirane ashobora kuwuturukaho.

Icyo gikorwa kiri kunozwa na Komisiyo yiswe ‘Rwanda-Uganda Border Demarcation’ ifatanyije n’Akarere ka Nyagatare.

Kugaragaza imipaka itandukanya ibihugu byo mu karere, bikorwa mu rwego rwo gushyira mu bikorwa icyemezo cy’Inama yahuje abakuru b’ibihugu byo mu Muryango wa Afurika Yunze Ubumwe yabereye i Addis Ababa muri Ethiopia mu 2007, yafatiwemo icyemezo cyo gukosora imipaka mu rwego rwo kurwanya amakimbirane ashobora gukomoka ku mbibi zigabanya ibihugu.

Umukozi wa Minisiteri y’Ububanyi n’Amahanga ushinzwe umugabane wa Afurika, Ngoga Eugène, yasabye abaturage baturiye imipaka kuyikoresha neza, kuko mu gihe iba igaragajwe neza bishobora kongera imibanire myiza hagati y’abaturage b’ibihugu bisangiye izo mbibi.

Umupaka w’u Rwanda na Uganda ufite uburebure bwa kilometero 250 uvuye ku Kirunga cya Sabyinyo, ukagera ku mupaka wa Kagitumba, mu Karere ka Nyagatare.

Imbago nk’izi zatangiye kugaragazwa ku mupaka uhuza u Rwanda na Congo uherereye mu Karere ka Rubavu, ahakundaga kugaragara amakimbirane ashingiye hagati y’abaturage b’ibi bihugu.

Izo mbago ziri kugaragazwa mu rwego rwo kwirinda amakimbirane yaterwa no kurenga umupaka
Ibiro abaturage basabiramo ibyangombwa ku mupaka uhuza u Rwanda na Uganda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza