U Bubiligi: Abanyarwanda bakoze imyiyereko yo gushyigikira Perezida Kagame

Yanditswe na Karirima A. Ngarambe
Kuya 7 Kamena 2017 saa 10:11
Yasuwe :
0 1

Abanyarwanda baba mu Bubiligi kuri uyu wa Gatatu bakereye kwakirana ibyishimo, urugwiro n’ubudasa Perezida Kagame, witabiriye inama yateguwe n’Umuryango w’Ubumwe bw’u Burayi yiga ku iterambere, ibera muri iki gihugu yaherukagamo muri Mata 2014.

Imyiteguro irarimbanyije ndetse bamwe bamaze kugera mu modoka nini berekeza hafi ya Tour et Taxis, ngo bakore urugendo rwuje ibyishimo n’urukundo bafitiye Umukuru w’Igihugu, ari nako bamugaragarize ko banyuzwe n’aho agejeje igihugu.

Ibi byishimo ntibirangira uyu munsi kuko ku wa Gatandatu tariki 10 Kamena 2017, i Bruxelles mu Bubiligi, hateganyijwe undi munsi utagira uko usa, Rwanda Day, aho Perezida Kagame azahura n’Abanyarwanda baba mu gihugu no mu mahanga kimwe n’inshuti z’u Rwanda bakaganira ku cyarushaho guteza imbere igihugu ndetse bagasabana.

Abanyarwanda benshi baba mu Bubiligi bahuriye hamwe ku cyicaro cya Ambasade y'u Rwanda mu Bubiligi
Bambaye imipira iriho ibendera ry'u Rwanda ndetse banitwaje amabendera y'u Rwanda
Abato n'abakuru biteguye gukora urugendo rwo gushyigikira Perezida Kagame witabiriye inama yateguwe na EU yiga ku iterambere
‘Proud to be Rwandan’ [Nishimiye kuba Umunyarwanda] niyo magambo yanditse ku mipira bambaye
Aho Ambasade y'u Rwanda ikorera mu Bubiligi, hari imodoka nini zatwaye abanyarwanda zibageza mu marembo y'inyubako ya Tour et Taxis aho Perezida Kagame aza kuba ari
Imodoka ndende zigera ku 10 nizo zatwaye abanyarwanda zibajyana kuri Tours et Taxis
Izi modoka zari zahawe amazina y'ibintu bimwe na bimwe byo mu Rwanda
Ni ibyishimo mu banyarwanda baba mu Bubiligi kuba bagiye kwakira Perezida Paul Kagame
Abari bakumburanye babanje bamenaho abiri

Uko byari byifashe kuri Tour et Taxis aho Perezida Kagame yavugiye ijambo

Ambasaderi Umutoni Christine (uzamuye ibendera hagati) nawe yari yahimbawe
Inyubako yabereyemo iyi nama

Amafoto: Karirima A. Ngarambe na Jessica Rutayisire


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza