Kwamamaza

Trump yabeshye itangazamakuru ashyirwa ku karubanda na Perezida wa Mexico

Yanditswe kuya 1-09-2016 saa 08:59' na Cyprien Niyomwungeri


Umukandida w’Umu-Republicain, Donald Trump yabeshye itangazamakuru ko ntacyo yigeze aganira na Perezida wa Mexico, Enrique Pena Nieto, ku bijyanye n’abazishyura urukuta ateganya kubaka hagati y’iki gihugu na Leta Zunze Ubumwe za Amerika , ahita anyomozwa n’uwo baganiriye.

Ejo kuwa Gatatu tariki 31 Kanama nibwo Trump yasuye Perezida Nieto ngo banonosore politiki y’abimukira b’Abanya-Mexique bashinjwa kwinjira muri Amerika mu buryo butemewe n’amategeko bagatwara akazi k’abenegihugu.

Trump yari yavuze ko natorwa azubaka urukuta hagati y’ibihugu byombi kandi Mexique ikazishyura amafaranga azakoreshwa mu kurwubaka.

CNN itangaza ko mu kiganiro n’abanyamakuru nyuma y’ibiganiro mu muhezo, Trump yemeje ko baganiriye ku by’urukuta ariko bataganiriye ku bazarwishyura bityo bizagenerwa undi mwanya.

Urujijo rwavutse ubwo Perezida Nieto yandikaga ku rukuta rwe rwa twitter agaragaza ko baganiriye ku ngingo yo kwishyura ikiguzi cyo kurwubaka, ndetse anabyamaganira kure.

Yagize ati“Mu ntangiriro z’ibiganiro na Donald Trump, narabisobanuye neza ko Mexique itazigera yishyura amafaranga azakoreshwa mu kubaka urukuta.”

Umujyanama wa Trump mu by’itumanaho, Jason Miller, yavuze ko uru ruzinduko ari icyiciro cya mbere cy’ibiganiro no kubaka umubano hagati yabo, bityo ibyatangajwe na Perezida Nieto bitari bikwiye.

Yagize ati“Ntibitunguranye ko bagira ibitekerezo bitandukanye kuri iki kibazo kandi tuzakomeza ibiganiro.”

Ku rubuga rwa twitter, umukandida w’umu-Democrate, Hillary Clinton bahanganye, yahaye inkwenene Trump, amubwira ko yabeshye kandi dipolomasi atariko ikorwa.

Yagize ati “Trump yatsinzwe igeragezwa rya mbere mu mahanga. Dipolomasi ntabwo yoroshye nkuko igaragara.”

Umwaka ushize nibwo Trump yatangaje ko Mexique yohereza muri Amerika, abimukira b’inkozi z’ibibi barimo n’abafata abagore ku ngufu ndetse bakanatwara akazi k’abenegihugu.

Kuri iyi ngingo Perezida Nieto yamwumvishije ko abo bimukira bagira uruhare mu iterambere mu buryo bwinshi kandi atari inkozi z’ibibi kuko bakura amaboko mu mifuka bagakora ibikorwa bibateza imbere.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved