Kwamamaza

Tigo yasoje icyumweru cyo kwita ku bakiriya bayo

Yanditswe kuya 12-10-2016 saa 15:54' na Thamimu Hakizimana


Sosiyete y’Itumanaho ya Tigo Rwanda yasoje icyumweru cyo kwita ku bafatabuguzi bayo, aho yaganiraga nabo ikababaza uko bakira serivisi ibaha ndetse no kungurana ibitekerezo ku buryo zarushaho kunozwa.

Iki cyumweru cyasorejwe mu Karere ka Rusizi mu Ntara y’Iburengerazuba ku wa Gatandatu tariki ya 8 Ukwakira 2016.

Mu gihe cy’iminsi irindwi Tigo yahariye kwita ku bakiriya bayo, abayobozi bayo basuye amashami atandukanye mu zindi Ntara z’Igihugu baganira n’abafatabuguzi bayo.

Umuyobozi ushinzwe ibikorwa muri Tigo Rwanda, Pacifique Kabana avuga ko iki cyumweru ari icyo gutekereza ku mikoranire bafitanye n’abakiriya.

Yagize ati “ Mu myaka irindwi tumaze dukorera mu Rwanda, turishimira gukomeza gutuma abakiriya barenga miliyoni eshatu bishima. Ibyishimo by’umukiriya kuri twe bidufasha gutekereza ku rugendo twabanyemo na bo kuva ku munsi wa mbere Tigo yinjira ku isoko.”

Yakomeje avuga ko mbere y’uko Tigo itangira gukorera mu Rwanda abanyarwanda bakoreshaga telefoni bari 20%, mu gihe ubu bageze kuri 78.2%, ndetse ko babashije kugera kuri ibi bitewe n’ikipe bafite n’abakiriya babo b’intagereranywa.

Mu gusoza iki cyumweru cyo kwita ku bakiriya, Tigo Rwanda yanakoresheje igitaramo cy’akataraboneka muri gahunda yise “Turahabaye” cyitabiriwe n’abahanzi barimo Christopher, Bruce Melody n’itsinda rya Dream Boys kugira ngo bashimishe abafatabuguzi bayo bo mu Karere ka Rusizi.

Abakiriya ba Tigo bahawe serivisi zitandukanye
Abakiriya ba Tigo bishimiye ko begerejwe serivisi
Igitaramo cyabereye muri gare y'Akarere ka Rusizi
Bruce Melody yataramiye abitabiriye umuhango wo gusoza icyumweru Tigo yahariye abakiriya bayo
Christopher nawe yasusurukije abanya-Rusizi
Dream Boys yashimishije abakiriya ba Tigo

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved