Kwamamaza

Tigo igiye gutera inkunga imishinga izakemura ibibazo byugarije abagore n’abana

Yanditswe kuya 19-10-2016 saa 06:50' na Mukaneza M.Ange


Sosiyete y’Itumanaho ya Tigo Rwanda ku bufatanye n’Umuryango udaharanira inyungu, Reach for Change, igiye gutera inkunga imishinga ine y’ikoranabuhanga izagira uruhare mu gukemura ibibazo byugarije abagore n’abana mu Rwanda.

Iyi mishinga izatoranywa binyuze mu marushanwa yiswe ‘Tigo Digital Changemakers competition’ yatangiye gutegurwa mu 2012. Uwahize abandi ahembwa miliyoni 7.5 z’amafaranga y’u Rwanda.

Ubwo aya marushanwa yatangizwaga ku mugaragaro kuri uyu wa 18 Ukwakira 2016, Ubuyobozi bwa Tigo Rwanda bwavuze ko uyu mwaka bwahisemo kongera umubare wa ba rwiyemezamirimo bazahembwa aho kuba babiri nk’uko byagenze mu myaka ishize bakaba bane.

Umuyobozi w’ishami rishinzwe ibikorwa byo kwitura abakiriya muri Tigo, Pierre Kayitana ati ’Buri mwaka duhitamo ba rwiyemezamirimo bakoresha ikoranabuhanga mu guhindura ubuzima bw’abantu, tukabaha uburyo bw’amafaranga ndetse n’ubumenyi bwisumbuyeho kugira ngo imishinga yabo igere mu baturage ibafashe.”

Yakomeje avuga ko bitandukanye n’indi myaka, aho kuri iyi nshuro abemerewe kwitabira iri rushanwa ari ba rwiyemezamirimo batangiye gushyira mu bikorwa imishinga yabo, mu gihe mu bihe byashize n’ibitekerezo byakirwaga.

Ati “Dushaka gufasha abantu basanzwe bakora, impamvu n’uko usanga ikintu cyonyine babura ari ubufasha bwo mu buryo bw’amafaranga. Iyo dufashije umuntu ufite igitekerezo amara hafi umwaka afite y’amafaranga areba uburyo yayakoresha kugira ngo bijye mu bikorwa.”

Uwase Dominique, umwe mu banyarwanda batandatu babashije gutsinda iri rushanwa avuga ko inkunga n’ubumenyi yahawe byamufashije gutangiza ikompanyi ye yitwa ‘Imagine We Rwanda’ igamije gukundisha abana gusoma, aho amaze gufasha abagera ku 4000.

Yakomeje avuga ko uretse inkunga y’amafaranga, iyi gahunda yanamwubatsemo icyizere n’ubushobozi bwo gukora cyane bituma agera ku yandi mahirwe arimo guhura na Perezida wa Leta Zunze Ubumwe za Amerika, Barack Obama ndetse n’igihembo yahawe na Madamu Jeanette Kagame.

Abiyandikisha n’abashaka kumenya byimbitse ku bijyanye n’iri rushanwa basura urubuga www.tigo.co.rw/digitalchangemakers.

Umuyobozi w’ishami rishinzwe ibikorwa byo kwitura abakiriya muri Tigo, Pierre Kayitana
Igikorwa cyo gutangiza amarushanwa y'abafite imishinga itandukanye, cyitabiriwe n'abantu benshi
Dominique Uwase avuga ko ubumenyi yahawe binyuze mu bikorwa Tigo itera inkunga bwamufunguriye imiryango

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved