Kwamamaza

Suède yataye muri yombi undi Munyarwanda ukekwaho Jenoside

Yanditswe kuya 26-10-2016 saa 08:09' na Cyprien Niyomwungeri


Ubushinjacyaha na Polisi bya Suède ejo kuwa kabiri byatangaje ko byataye muri yombi Umunyarwanda w’imyaka 48 ufite ubwenegihugu bwa Suède, akaba akekwaho ibyaha bya Jenoside yakorewe Abatutsi mu 1994.

Mu itangazo ryasohowe na Polisi, uyu mugabo utatangajwe umwirondoro we ngo yafatiwe mu rugo rwe ruherereye Örebro mu birometero 160 mu burengerazuba bw’Umurwa Mukuru wa Suède, Stockholm. Rivuga kandi ko yageze muri icyo gihugu mu 1998 agahabwa ubwenegihugu muri 2006.

Nkuko AFP ibitangaza, ubushinjacyaha bwatangaje ko budashobora kuvuga byinshi ku byaha akekwaho.

Mu mwaka wa 2014 n’uwa 2016 Suède yataye muri yombi abandi Banyarwanda babiri bari barahawe ubwenegihugu, aribo Stanislas Mbanenande na Claver Berinkidi, irababuranisha bakatirwa gufungwa burundu kubera uruhare bagize muri Jenoside yakorewe Abatutsi.

Ibi byerekana ko Suède ikomeje kuba icyitegererezo mu bihugu by’u Burayi bidaha umwanya abagize uruhare muri Jenoside yakorewe Abatutsi mu Rwanda. Aha niho Komisiyo y’Igihugu yo kurwanya Jenoside ihera ishishikariza ibindi bihugu nk’u Buholandi n’u Bufaransa gukurikiza urwo rugero, ubutabera bugatangwa.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved