Kwamamaza

Sudani y’Epfo: Abarwanya ubutegetsi biteguye gushoza intambara kuri Perezida Salva Kiir

Yanditswe kuya 27-09-2016 saa 18:31' na Tombola Felicie


Dr Riek Machar uyoboye inyeshyamba zitavuga rumwe n’ubutegetsi muri Sudani y’Epfo yatangaje ko agiye gutegura intambara arwanya Perezida Salva Kiir mu rwego rwo kugarura amahoro, ubwisanzure na demokarasi mu gihugu kimaze igihe mu ntambara.

Iki cyemezo cyafatiwe mu nama yahuje abatavuga rumwe n’ubutegetsi (Sudan People’s Liberation Movement-in-Opposition) yari iyobowe na Riek Machar yabereye i Khartoum muri Sudani guhera tariki ya 20 kugeza tariki ya 23 Nzeri 2016.

Kuva muri Nyakanga ubwo Machar yavaga mu Mujyi wa Juba nibwo agize icyo atangaza ku cyo agomba gukora kuko yamaze no kwamburwa umwanya wa Visi Perezida.

Umuvugizi w’abatavuga rumwe na Leta ya Sudani y’Epfo, Manawa Peter Gatkuoth yatangarije Radio Tamazuj ko umwanzuro wafatiwe muri iyo nama ya Khartoum ko ari ugutera ubutegetsi buriho i Juba.

Yagize ati “Ingingo nyamukuru twaganiriyeho mu nama kwari ukureba ukuntu twategura igisirikare gikomeye tugatera ubutegetsi buriho kugira ngo abaturage ba Sudani y’Epfo babashe kubona amahoro n’umutekano birambye kuko igihe cyose Perezida Kiir azaba akiri ku butegetsi nta mahoro n’ubwiyunge bizaboneka mu gihugu.”

Abatavuga rumwe n’ubutegetsi bashinja Perezida Kiir gushaka kwivugana Riek Machar wari Visi Perezida mu mirwano yabaye tariki ya 7 Nyakanga 2016 ,kuva icyo gihe Riek akaba atarasubira mu gihugu.

Sudani y’Epfo yabonye ubwigenge yiyomoye kuri Sudani mu 2011 binyuze muri referendumu, nyuma y’imyaka itandatu intambara yatangiye mu 1983 kugeza 2005 hagati ya Leta ya Sudan ndetse n’Ingabo zashakaga kubohoza igihugu, zari zibumbiye mu kitwa Sudan People’s Liberation Army, irangiye.

Sudani y’Epfo ifite abaturage basaga miliyoni 2.3 bavuye mu byabo, ndetse abasaga 720 bahungiye hanze y’igihugu cyabo.

Umubano wa Sudani na Sudani y’Epfo urimo agatotsi kuva iki gihugu cyashinja Sudani gushyigikira Machar mu ntambara ya gisivili yatangiye muri 2013.

Riek Machar utavuga rumwe na Leta ya Sudani y'Epfo yatangaje ko yiteguye kurwanya ubutegetsi bwa Perezida Salva Kiir

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved