00:00:00 IGIHE NETWORK KN KINYARWANDA EN ENGLISH FR FRANCAIS

SSP René Irere yagizwe umuvugizi wa Polisi, ishami ry’umutekano wo mu muhanda

Yanditswe na Ntabareshya Jean de Dieu
Kuya 19 Ugushyingo 2021 saa 08:45
Yasuwe :
0 0

SSP Irere René yagizwe umuvugizi wa Polisi, ishami rishinzwe umutekano wo mu muhanda nyuma y’igihe ridafite urivugira by’umwihariko.

Ishami rya Polisi rishinzwe umutekano wo mu muhanda ryaherukaga kugira umuvugizi mu 2017.

SSP Irere yakoze mu ishami rya Polisi y’u Rwanda rishinzwe imikoranire myiza hagati ya Polisi n’abaturage (Community Policing).

Mu mibare iheruka gutangazwa na Polisi igaragaza ko impanuka zahagabanyutse ugereranyije n’imyaka itatu ishize. Mu 2021 abahitanwe n’impanuka zo mu muhanda mu mezi 10 ni 548. Mu 2019 hapfuye 739, na ho mu 2020 baba 687.

Kuri ibi SSP Irere yavuze ko mu mpamvu zikunze gutera impanuka ahanini ari uko abantu bakoresha nabi umuhanda ndetse hakaba n’uburangare bw’abashoferi.

Yagize ati “Impamvu zibitera ziratandukanye ariko zimwe muri zo harimo uburangare bw’abashoferi, abatwara banyoye no kutubahiriza ibimenyetso byo mu muhanda.”

Yasabye abakoresha umuhanda kurushaho kwita ku byapa mu rwego rwo kuwukoresha neza.

Ati “Icyo mbasaba cyane ni ugusoma neza ibyapa biri ku muhanda. Ni ibintu abanyarwanda batari bamenyereye cyane ariko uko ugenda ukwiye no kwitegereza cyane.”

Yongeye kwibutsa kandi abakoresha umuhanda ko bakwiye kwitwaririka muri ibi bihe by’imvura cyane ko bishobora guteza impanuka.

SSP René Irere yagizwe Umuvugizi wa Polisi, ishami ry’umutekano wo mu muhanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .