Kwamamaza

RwandAir yatangije ingendo muri Benin

Yanditswe kuya 2-09-2016 saa 21:02' na Ezechiel Mbananabo


Nyuma y’iminsi ibiri Perezida wa Benin Patrice Talon ashoje uruzinduko rw’iminsi itatu mu Rwanda, Sosiyete Nyarwanda itwara abantu n’ibintu mu ndege ya RwandAir ku gicamunsi cyo kuri uyu wa Gatanu tariki ya 2 Nzeri yatangiye kwerekeza mu murwa mukuru w’iki gihugu, Cotonou.

Nk’uko bigaragara ku rubuga rwa Twitter rwa RwandAir, indege zayo zatangiye kwerekeza i Cotonou kuri uyu wa 2 Nzeri 2016.

Mu biganiro Perezida Talon yagiranye na Perezida Kagame, bemeranyije ubufatanye butajegajega mu iterambere n’ubuhahirane bw’abaturage b’ibihugu byombi.

Perezida Kagame yagize ati “Reka dukomeze gufatanya mu byiza ku bw’inyungu z’abaturage bacu n’Isi muri rusange. Vuba aha RwandAir izatangira kwerekeza i Cotonou, nta gushidikanya ko iki ari ikimenyetso cy’ubufatanye bwiza tuzakomeza kubaka.Nta rwitwazo dufite rwo kudasurana kenshi.”

Mu itangazao ryashyizwe ahagaragara mu cyumweru gishize, Jean Paul Nyirubutama, Umuyobozi Mukuru wungirije wa RwandAir, yatangaje ko ingendo za Cotonou zije ziyongera ku zari zisanzwe zikorerwa Kigali –Doula na Libreville muri Gabon.

Mu kugenda ngo indege izajya ijyayo ku wa Kabiri, ku wa Gatanu no ku Cyumweru mu gihe mu kugaruka ingendo zizajya zikorwa ku wa Mbere ku wa Gatatu no ku wa Gatandatu.

Biteganyijwe ko tariki ya 8 Ukwakira RwandAir izatangiza ingendo i Abidjan muri Côte d’Ivoire. Hombi ingendo zizajya zikorwa n’indege B737-700-800NG.

Ingendo za Cotonou na Abidjan zizatuma RwandAir igira ibice 19 yerekerezamo hirya no hino muri Afurika kuri 17 byari bsanzwe harimo Nairobi, Entebbe, Mombasa, Bujumbura, Lusaka, Juba, Douala, Dar es Salaam, Kilimanjaro,Johannesburg, Dubai, Lagos, Libreville Brazzaville n’ahandi.

RwandAir itwara abagenzi basaga ibihumbi 500 ku mwaka mu gihe ifite ubushobozi bwo gutwara abasaga miliyoni.

Irifuza kwagurira ingendo zayo mu bihugu bitanu mu mpera z’uyu mwaka birimo nka Côte d’Ivoire, Guinea Conackry, Durban muri Afurika y’Epfo n’u Bushinwa


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved