Rwanda Day: Fairbanks yagaragaje inkomoko y’intsinzi y’Abanyarwanda

Yanditswe na Philbert Girinema
Kuya 25 Nzeri 2016 saa 03:35
Yasuwe : XX
0

Mu kiganiro kigamije kureba ‘Akamaro k’umuco mu kubaka iterambere n’igihugu’, Umunyamerika, Michael Fairbanks, yavuze ko intsinzi y’u Rwanda ikomoka mu ndangaciro zo kwanga ikibi no kwishakamo ibisubizo.

Ku munsi w’ubudasa ‘Rwanda Cultural Day’ wabereye i San Francisco muri Leta ya California, Minisitiri w’Ububanyi n’Amahanga w’u Rwanda, Louise Mushikiwabo, Umuyobozi w’Ikigo cy’Igihugu cy’imiyoborere, Prof Shyaka Anastase, Michael Fairbanks n’abandi batandukanye batanze ikiganiro kijyanye n’uruhare rw’umuco mu iterambere ry’igihugu.

Michael Fairbanks, Umwe mu bashinze ikompanyi yitwa “SEVEN FUND” ikorera i Cambridge muri Leta ya Massachusetts muri Leta Zunze Ubumwe za Amerika ndetse akaba yaragiye aba Umujyanama w’Ibihugu bitandukanye ku iterambere ry’ubukungu, yavuze ko mu muco nyarwanda hari ibyo abanyarwanda batemera.

Yashimangiye ko bazi icyo kuba umunyarwanda bisobanuye kuko nta munyarwanda ushobora kurya ngo ahage mu gihe abandi bashonje.

Ati “Hari ubundi bwoko bw’umuco aribwo amahame y’imyitwarire. Ikiri icyiza, ikiri ikibi ‘Sigaho’, iki ntabwo cyemewe abanyarwanda bazi icyo bisobanuye kuba Umunyarwanda, ntushobora kurya ibiryo ngo uhage utembere mu muhanda abandi bashonje, Abanyarwanda bazi gukorera ku gihe.”

Fairbanks yakomeje avuga ko gahunda zo kwishakamo ibisubizo nk’Umuganda, Girinka, Imihigo n’izindi Abanyarwanda bishyiriyeho bakomoye mu muco wabo, zabafashije gutera imbere.

Yagarutse ku buryo Abanyarwanda biyubakiye inzego zigezweho hashingiye ku ndangagaciro Nyarwanda, aha yakomoje ku buryo inkiko Gacaca nk’urwego rw’Abanyarwanda ubwabo zafashije igihugu gukemura ibibazo cyanyuzemo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza