Rwanda Day: Ibihishiwe Abanyarwanda baba mu mahanga (Video)

Yanditswe na Ishimwe Israel
Kuya 21 Nzeri 2016 saa 11:18
Yasuwe : XX
0

Dr James Vuningoma uyobora Inteko Nyarwanda y’Ururimi n’Umuco, avuga ko Abanyarwanda baba mu mahanga bahuye na byinshi bishaka kubibagiza umuco gakondo, Rwanda Day y’uyu mwaka ayibona nk’uburyo bwihariye bwo kongera kuwutekerezaho.

Mu minsi itatu iri imbere gusa, Abanyarwanda bazakoranira mu Mujyi wa San Francisco muri Leta Zunze Ubumwe za Amerika, ahazabera Rwanda Cultural Day, izaba umwanya wo kuzirikana ku muco nyarwanda by’umwihariko.

Mu kiganiro na IGIHE, Dr Vuningoma yavuze ko umuco nyarwanda usumba indi yose, ku buryo ibyakorwa bitawubakiyeho bitarama ku Banyarwanda.

Ati “Niba ushaka kwigira, kugaragara ko uri Umunyarwanda nyakuri, rinda uyu murage wa Gihanga, ibindi byose ni ibyo dukoresha kugira ngo duhahe tubone uko tubaho, tubone uko tubana n’abandi. Imiryango yo mu mahanga bafite abana barera, baba muri iyo miryango, ni ukubakangurira kugaruka ku isoko y’umuco w’u Rwanda, bakamenya ibiwugize, bakamenya iyo myumvire, iyo myifatire, iyo mivugire, yemwe bakavuga Ikinyarwanda.”

Perezida Kagame niwe uzaba ari Umushyitsi Mukuru nk’uko byagenze mu zindi Rwanda Day zabanje, iheruka ikaba yarabereye mu Mujyi wa Amsterdam mu Buholandi.

Inkuru bifitanye isano:

- Agakeregeshwa wasigarana kuri Rwanda Day

- Abanyarwanda baba mu mahanga tuzabagarura ku gicumbi cy’umuco muri Rwanda Day

- USA: Mbere ya Rwanda Day, Abanyarwanda basogongeje abanyamahanga ku muco wabo

- I San Francisco tuzahahindura u Rwanda-Minisitiri Uwacu Julienne


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza